തമിഴ്കത്തിന്റെ മുടിചൂടാമന്നന്‍ എന്നും എപ്പോഴും എല്ലാവര്‍ക്കും ഹീറോ തന്നെയാണ്. ഇന്ത്യന്‍ സിനിമയിലെ യഥാര്‍ത്ഥ ഹീറോ. അതാണ് സാക്ഷാല്‍ രജനികാന്ത്. സിനിമ ലോകം എന്നും ബാഹുമാനിക്കുന്ന യഥാര്‍ത്ഥ നടന്‍. സിനിമയില്‍ രജനികാന്തിന് സാധിക്കാത്തതായി യാതൊന്നുമില്ല. അമാനുഷിക ശക്തിയുള്ള ഒരു നടന്‍. അടുത്തിടെ രജനികാന്ത് എല്ലാവരെയും അതിശയിപ്പിച്ചു.

ഹൈദരാബാദില്‍ അടുത്തസുഹൃത്തിന്റെ വിവാഹത്തിന് വിമാനത്തില്‍ പോയപ്പോഴാണ് പലരെയും ഞെട്ടിച്ച് രജനികാന്ത് എത്തിയത്. അടുത്തസുഹൃത്തിന്റെ മകന്റെ വിവാഹത്തിന് വിമാനത്തില്‍ യാത്രപോകുകയായിരുന്നു രജനിയും സംഗീതസംവിധായകനായ ഇളയരാജയും. വിമാനം ഹൈദരാബാദില്‍ എത്താന്‍ പത്ത് മിനിട്ട് താമസമുണ്ടെന്ന് അധികൃതര്‍ അറിയിച്ചു. പക്ഷെ, ഒരു മിനിറ്റ് പോലും താമസിക്കാതെ വിമാനം എയര്‍പോട്ടിലെത്തി.

ഫ്‌ലൈറ്റ് കൂടുതല്‍ സ്പീഡില്‍ ആണ് പറന്നതെന്നും രജനി ഇഫക്റ്റ് ആണെന്നുമാണ് വിമാനത്തിലുണ്ടായിരുന്ന യാത്രക്കാരുടെ അഭിപ്രായം. അത് കൂടാതെ തമിഴ് കോമഡി നടിയായ വിദ്യുലേഖയും വിമാനത്തില്‍ യാത്രയ്ക്കുണ്ടായിരുന്നു. യാത്രക്കാരെ കുറിച്ചും രജനികാന്തിനെ കുറിച്ചും നടി ട്വീറ്റ് ചെയ്തു. \'പതിവില്ലാതെ എന്റെ ഫ്‌ലൈറ്റ് ഫൈദരാബാദില്‍ നേരത്തെ എത്തി. പത്ത് മിനിട്ട് വൈകുമെന്ന് പറഞ്ഞ വിമാനം എത്തിയത് കൃത്യസമയത്ത്. അതിന് കാരണം സൂപ്പര്‍സ്റ്റാര്‍ രജനീകാന്ത്. ഇങ്ങനെയാണ് നടി ട്വീറ്റ് ചെയ്തതു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha