തമിഴ്നടന്‍ സുഹൃത്തിന്റെ വീട്ടില്‍ തൂങ്ങിമരിച്ച നിലയില്‍ കണ്ടെത്തി; ഇന്ദ്രകുമാർ ജോലി സംബന്ധമായ പ്രശ്നങ്ങള്‍ നേരിട്ടിരുന്നതായി റിപ്പോർട്ട്
21 FEBRUARY 2021 02:53 PM IST
മലയാളി വാര്‍ത്ത
തമിഴ്നടന്‍ സുഹൃത്തിന്റെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. തസ്‌മിഴ് ടെലിവിഷന്‍ താരമായ ഇന്ദ്രകുമാറിനെയാണ് മരിച്ച നിലയില്‍ കണ്ടെത്തിയത്. ഇദ്ദേഹത്തിന് 25 വയസായിരുന്നു. ആത്മഹത്യയാണെന്നാണ് പ്രാഥമിക നിഗമനം. ശ്രീലങ്കന്‍ സ്വദേശിയായ ഇന്ദ്രകുമാര്‍ ചെന്നൈയിലെ അഭയാര്‍ഥി ക്യാമ്ബിൽ താമസിച്ചുവരികയായിരുന്നു. ജോലി സംബന്ധമായ പ്രശ്നങ്ങള്‍ നേരിട്ടിരുന്നതായാണ് ലഭ്യമാകുന്ന വിവരം.
കഴിഞ്ഞ വെള്ളിയാഴ്ചയാണ് സുഹൃത്തിന്റെ പേരാംബലൂറിലെ വീട്ടില്‍ കിടപ്പുമുറിയിലെ സീലിങ് ഫാനില്‍ ഇന്ദ്രകുമാറിനെ തൂങ്ങിമരിച്ച നിലയില്‍ കണ്ടെത്തിയത്. ആത്മഹത്യക്കുറിപ്പ് ഇതുവരെ കണ്ടെത്തിയിട്ടില്ല. മൃതദേഹം പോസ്റ്റ്മോര്‍ട്ടത്തിനായി ആശുപത്രിയിലേക്ക് മാറ്റിയിരിക്കുകയാണ്. അസ്വാഭാവിക മരണത്തിന് പൊലീസ് കേസെടുത്തു. ഇന്ദ്രകുമാറിന് ഭാര്യയും കുഞ്ഞുമുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
