സ്‌റ്റൈല്‍ മന്നന്‍ രജനികാന്ത് അധോലോക നായകന്റെ വേഷത്തിലെത്തുന്നു. രഞ്ജിത് സംവിധാനം ചെയ്യുന്ന സിനിമയിലാണ് രജനികാന്ത് അധോലോക നായകന്റെ വേഷത്തിലെത്തുന്നത്. കബലീശ്വരന്‍ എന്ന കഥാപാത്രത്തെയാണ് രജനി ചിത്രത്തില്‍ അവതരിപ്പിക്കുന്നത്. കബലി എന്ന സിനിമയ്ക്കു പേരിട്ടിരിക്കുന്നത്. ബോളിവുഡ് താരം രാധിക ആപ്‌തെയാണ് ചിത്രത്തില്‍ നായിക വേഷം അവതരിപ്പിക്കുന്നത്. രജനിയുടെ മകളുടെ വേഷത്തില്‍ ധന്‍സിക എത്തും.
മൈലാപ്പൂര്‍ സ്വദേശിയായ കബലീശ്വരന്‍ അധോലോക നേതാവായി മാറുന്നതും പിന്നീട് മലേഷ്യയിലേക്ക് കടക്കുന്നതുമാണ് ചിത്രത്തിന്റെ പ്രമേയം. ആദ്യ ഭാഗങ്ങള്‍ മൈലാപ്പൂരില്‍ ചിത്രീകരിച്ച ശേഷം പിന്നീട് ലൊക്കേഷന്‍ മലേഷ്യയിലേക്ക് മാറ്റും.സെപ്തംബര്‍ 17ന് ഷൂട്ടിംഗ് ആരംഭിക്കും. രജനികാന്തിന്റെ 159ാമത്തെ സിനിമയാണിത്. സന്തോഷ് നാരയണനാണ് ചിത്രത്തിന്റെ സംഗീതം നിര്‍വ്വഹിക്കുന്നത്. രജനിയുടെ പുതിയ ചിത്രത്തെ വന്‍ ആവേശത്തോടെയാണ് തമിഴ് സിനിമാലോകം ഉറ്റു നോക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha