പുതിയ സന്തോഷം പങ്കു വച്ച് രംഗത്ത് വന്നിരിക്കുകയാണ് തെന്നിന്ത്യൻ താരം സാമന്ത. സിനിമയിലെത്തിയിട്ട് 12 വർഷങ്ങൾ പൂർത്തിയായെന്ന് നടി പറഞ്ഞു. ഇൻസ്റ്റഗ്രാം കുറിപ്പിലൂടെ ഈ സന്തോഷം സാമന്ത തന്നെയാണ് ആരാധകരുമായി പങ്കു വച്ചത്. സിനിമയുമായുള്ള പ്രണയം ഒരിക്കലും അവസാനിക്കുന്നില്ല. സമാനതകളില്ലാത്ത നിമിഷങ്ങളാണ് കടന്നുപോയതെന്നും കുറിപ്പിൽ വ്യക്തമാക്കുന്നു.

രാവിലെ എഴുന്നേറ്റപ്പോഴാണ് സിനിമയിൽ എത്തിയിട്ട് പന്ത്രണ്ട് വർഷം പൂർത്തിയായെന്ന കാര്യം ഓർമ്മയിൽ വന്നത്. ആക്ഷൻ, ലൈറ്റുകൾ, ക്യാമറ, സമാനതകളില്ലാത്ത നിമിഷങ്ങൾ എന്നിവയെ ചുറ്റിപ്പറ്റിയുള്ള ഓർമകളുടെ 12 വർഷമാണ് പൂർത്തിയായതെന്നും താരം പറഞ്ഞിരിക്കുകയാണ്.

ഈ അനുഗൃഹീത യാത്രയും ലോകത്തിലെ ഏറ്റവും മികച്ച, വിശ്വസ്‌തരായ ആരാധകരെയും നേടിയതിന് ഞാൻ നന്ദിയുള്ളവളാണ് എന്നാണ് സാമന്ത പറയുന്നത്. സിനിമയുമായുള്ള എന്റെ പ്രണയകഥ ഒരിക്കലും അവസാനിക്കില്ലെന്ന് പ്രതീക്ഷിക്കുന്നുവെന്നും താരം വ്യക്തമാക്കി.

അനുപമ പരമേശ്വരൻ, രശ്‌മിക മന്ദാന,​ ​റാഷി ഖന്ന തുടങ്ങി നിരവധി താരങ്ങൾ സാമന്തയ്‌ക്ക് അഭിനന്ദനങ്ങൾ അറിയിച്ച് രംഗത്ത് വന്നിട്ടുണ്ട്. ഗൗതം മേനോൻ സംവിധാനം ചെയ്ത തെലുങ്ക് ചിത്രം യേ മായേ ചേസാവേയിലൂടെയായിരുന്നു താരം സിനിമയിലേക്ക് രംഗത്ത് വന്നത്. പുഷ്പ 2വിലാണ് സാമന്ത ഏറ്റവുമൊടുവിൽ അഭിനയിച്ചത്. ചിത്രത്തിലെ ഐറ്റം സോംഗിന് മികച്ച പ്രതികരണമാണ് ആരാധകരിൽ നിന്നും കിട്ടിയിരിക്കുന്നത്.