തമിഴ്‌നാട്ടില്‍ താരസംഘടനയില്‍ പൊരിഞ്ഞ അടി. നടന്‍മാരായ ശരത്കുമാറും വിശാലും രണ്ട് ഗ്രൂപ്പായി തിരിഞ്ഞാണ് തമിഴ്താരസംഘടനയില്‍ മത്സരിക്കുന്നത്. നടികര്‍സംഘം തെരഞ്ഞെടുപ്പുമായി ബന്ധപ്പെട്ടാണ് രൂക്ഷമായ ചേരിപ്പോര് തുടങ്ങിയത്. ശരത് കുമാര്‍ നേതൃത്വം നല്‍കുന്ന ഒരു വിഭാഗവും വിശാല്‍ നേതൃത്വം നല്‍കുന്ന ഒരു വിഭാഗവുമായി താരസംഘടന രണ്ട് തട്ടിലായിരിക്കുകയാണ്.അതിനിടെ ശരത് കുമാറിനെതിരെ കള്ളപ്രചരണം നടത്തുന്ന വിശാലും കുട്ടരും മാപ്പ് പറയണമെന്ന് ആവശ്യപ്പെട്ട് ശരത് കുമാറിന്റെ ഭാര്യയും നടിയുമായ രാധിക ശരത് കുമാര്‍ രംഗത്തു വന്നു. തെളിവില്ലാത്ത ആരോപണങ്ങളാണ് ശരത് കുമാറിനെതിരെ ഉന്നയിക്കുന്നതെന്ന് രാധിക പറഞ്ഞു. വിശാലും കൂട്ടരും പരസ്യമായി മാപ്പ് പറഞ്ഞില്ലെങ്കില്‍ പ്രശ്‌നം വഴളാകുമെന്നും രാധിക പറഞ്ഞു.
വിശാല്‍ നേതൃത്വം നല്‍കുന്ന പാണ്ഡവര്‍ അണി എന്ന പുതിയ സംഘടനയാണ് ശരത് കുമാറിന്റെ പാനലിനെതിരെ മത്സരിക്കുന്നത്. വിശാല്‍, കാര്‍ത്തി, നാസര്‍, പൊന്‍വണ്ണന്‍ എന്നിവരാണ് ഈ സംഘനടയില്‍ ഉള്ളത്. ഒകേ്ടാബര്‍ 18നാണ് തിരഞ്ഞെടുപ്പ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha