വിജയ് നായകനാകുന്ന 'ബീസ്റ്റ്' എന്ന തമിഴ് ചിത്രത്തിലെ പാട്ട്  സിനിമയിറങ്ങും മുമ്പേ ദേശാതിര്‍ത്തികള്‍ കടന്ന് വൈറലാകുന്നു. യൂട്യൂബില്‍ റെക്കോഡുകള്‍ തകര്‍ത്ത് 18 ദിവസംകൊണ്ട് 14 കോടി പേരാണ് ഈ പാട്ടിന്റെ വീഡിയോ യൂട്യൂബില്‍ കണ്ടത്. ഇന്ത്യയുടെ ഭാഷാ അതിര്‍വരമ്പുകള്‍ ഭേദിച്ച 'കൊലവരി ഡി' ഗാനത്തിന് ഈണംപകര്‍ന്ന അനിരുദ്ധ് രവിചന്ദറാണ് അറബിക് കുത്തിലൂടെ വീണ്ടും തരംഗമാലകള്‍ തീര്‍ക്കുന്നത്.

ശിവകാര്‍ത്തികേയനാണ് ഗാനരചയിതാവ്.അനിരുദ്ധും ജോനിക ഗാന്ധിയും ചേര്‍ന്നാണ് 'അറബിക് കുത്ത്' പാടിയിരിക്കുന്നത്. ഇതിന്റെ ഈണത്തിനൊപ്പം താരങ്ങളടക്കമുള്ളവര്‍ ചുവടുവെക്കുന്ന വീഡിയോകളും ഹിറ്റാവുകയാണ്. സാമന്തയും മന്‍സൂര്‍ അലിഖാനും കീര്‍ത്തി സുരേഷുമുള്‍പ്പെടെയുള്ളവര്‍ 'വീഡിയോ നര്‍ത്തകരി'ലുള്‍പ്പെടുന്നു. നെല്‍സണ്‍ സംവിധാനംചെയ്യുന്ന 'ബീസ്റ്റ്' എന്ന ചിത്രം ഏപ്രില്‍ 14-ന് തിയേറ്ററുകളിലെത്തുമെന്നാണ് പ്രഖ്യാപിച്ചിരിക്കുന്നത്.