നടി ആന്‍ഡ്രിയ ജെര്‍മിയയ്ക്ക് പറ്റിയ അബദ്ധമേ. എന്താണെന്നല്ലേ?. തനിക്ക് കിട്ടിയ ആ റോള്‍ വേണ്ടെന്ന്് വച്ചു. ഒടുവില്‍ ആ റോള്‍ കിട്ടിയത് നയന്‍താരയ്ക്കും. ആ റോള്‍ വിട്ട് കൊടുത്തത് ആന്‍ഡ്രിയയ്ക്ക് ആകെ തിരിച്ചടിയായി. ഏതാണ് ആ റോള്‍ എന്നല്ലേ?. നവാഗതനായ അശ്വിന്‍ സരവണ സംവിധാനം ചെയ്ത മായ എന്ന ചിത്രത്തിലെ നയന്‍സ് ചെയ്യുന്ന കഥാപാത്രമാണ് ആന്‍ഡ്രിയയ്ക്ക് വിനയായത്. നയന്‍താര അഭിനയിച്ച മായ എന്ന ചിത്രം മികച്ച വിജയമായി തീരുമ്പോഴും, തമിഴ്‌നാട് കടന്നും ചിത്രത്തിന് ആരാധകരുണ്ടാവുമ്പോള്‍ ആന്‍ഡ്രിയ വീണ്ടും തന്റെ ഭാഗ്യദോഷത്തെ കുറിച്ചാലോചിക്കുകയാവും.
മായ എന്ന ചിത്രത്തിന് വേണ്ടി അണിയറപ്രവര്‍ത്തകര്‍ ആദ്യം സമീപിച്ചത് ആന്‍ഡ്രിയയെ ആയിരുന്നത്രെ. എന്നാല്‍ ചിത്രത്തിന്റെ സംവിധായകന്‍ നവാഗതനായതുകൊണ്ടോ വിശ്വാസമില്ലാത്തതുകൊണ്ടോ എന്തോ ആ ചിത്രം വേണ്ടെന്ന് ആന്‍ഡ്രിയ പറഞ്ഞു. ആന്‍ഡ്രിയ പിന്മാറിയതോടെ അണിയറപ്രവര്‍ത്തകരുടെ രണ്ടാമത്തെ ചോയിസ് നയന്‍താരയായിരുന്നു. അങ്ങനെ നയന്‍താരയെ തിരഞ്ഞെടുത്തു. ചിത്രം ചെയ്യാമെന്ന് നയന്‍താര സമ്മതിച്ചു. അതോടെ നയന്‍സിന് ഭാഗ്യവും തെളിഞ്ഞു.
ഇപ്പോള്‍ 20 കോടിക്കടുത്ത് ബോക്‌സോഫീസ് കളക്ഷന്‍ നേടുന്ന ചിത്രത്തിന്റെ വിജയത്തിന്റെ മുഴുവന്‍ ക്രഡിറ്റ് നയന്‍സിന് മാത്രം പോകുകയാണ്. നയന്‍ ഒറ്റയ്ക്ക് നേടിയ വിജയമെന്നാണ് പറയുന്നത്. തമിഴ് നാട്ടില്‍ മാത്രമല്ല, മയൂരി എന്ന പേരില്‍ തെലുങ്കിലും റിലീസ് ചെയ്ത ചിത്രം അവിടെയും മികച്ച വിജയം നേടുകയാണ്. നയന്‍സിന്റെ രണ്ട് ചിത്രങ്ങളാണ് തിയേറ്ററുകളില്‍ പ്രദര്‍ശനം തുടരുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha