വിജയ് ആരാധകര്‍ ഇപ്പോള്‍ ഏറെ വിഷമത്തിലാണ്. കാരണം ഇളയദളപതി ചെന്നൈയിലെ വിജയിയുടെ വീട്ടില്‍ ആദായനികുതി വകുപ്പിന്റെ റെയ്ഡ്. വിജയിയുടെ വീട്ടില്‍ മാത്രമല്ല നടി നയന്‍താരയുടെ വീട്ടിലും ആദായനികുതി വകുപ്പ് ഉദ്യോഗസ്ഥര്‍ റെയ്ഡ് നടത്തിയതായാണ് റിപ്പോര്‍ട്ടുകള്‍. നയന്‍താരയുടെ കൊച്ചിയിലെയും തിരുവല്ലയിലെയും വീടുകളിലും റെയ്ഡ് നടക്കുന്നുണ്ട്. നടി സാമന്തയുടെ വീട്ടിലും പരിശോധന നടക്കുന്നുണ്ട്.
ഇന്ന് പുലര്‍ച്ചെ മുതലാണ് റെയ്ഡ് തുടങ്ങിയത്. ആദായനികുതി അടയ്ക്കുന്നതില്‍ താരങ്ങള്‍ വീഴ്ച്ച വരുത്തിയതിനെ തുടര്‍ന്നാണ് റെയ്‌ഡെന്നാണ് അറിയുന്നത്. വിജയ് നായകനായ പുതിയ സിനിമ \'പുലി\'യുടെ സംവിധായകന്റെയും നിര്‍മ്മാതാക്കളുടെയും വീടുകളിലും റെയ്ഡ് നടക്കുന്നുണ്ട്. ചെന്നൈയില്‍ 25 ഇടങ്ങളില്‍ ഒരേ സമയം റെയ്ഡ് നടക്കുന്നുണ്ടെന്നാണ് റിപ്പോര്‍ട്ടുകള്‍. പുലി സിനിമ നാളെ റിലീസ് ചെയ്യാനിരിക്കെയാണ് റെയ്ഡ് എന്നതും മറ്റൊരു പ്രത്യേകതയാണ്.
മറ്റ് വിവരങ്ങള്‍ യാതൊന്നും തന്നെ ഇതുവരെും പുറത്ത് വന്നിട്ടില്ല. വിജയ്, ശ്രീദേവി, ശ്രുതി ഹാസന്‍, ഹന്‍സിക, പ്രഭു, നന്ദിതാ ശ്വേതാ, വിജയ കുമാര്‍ തുടങ്ങിയവരാണ് പുലിയിലെ മറ്റ് താരങ്ങള്‍. വിജയിയുടെ പുലി സിനിമ ഏറെ പ്രതീക്ഷയോടെയാണ് വിജയ് ആരാധകര്‍ കാത്തിരിക്കുന്നത്. വിജയിയുടെ വീട്ടിലെ റെയ്ഡ് പുലി സിനിമയുടെ വിജയത്തിനെ ബാധിക്കുമോ എന്നാണ് പുലിയുടെ അണിയറ പ്രവര്‍ത്തകര്‍ ആശങ്കപ്പെടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha