തമിഴ്താരം വിജയുടെ പുതിയ ചിത്രമായ തലൈവ കാണാന്‍ കഴിയാത്തതില്‍ മനംനൊന്ത് ആരാധകന്‍ ജീവനൊടുക്കി. ശനിയാഴ്ചയാണ് വിജയുടെ ആരാധകനായ നിര്‍മ്മാണതൊഴിലാളി വിഷ്ണു(20) ആത്മഹത്യ ചെയ്തത്. കോയമ്പത്തൂര്‍ തുടിയാലൂര്‍ സ്വദേശിയാണ്. ആഗസ്ത് ഒമ്പതിനാണ് വിജയുടെ തലൈവ റിലീസ് ചെയ്യാന്‍ തീരുമാനിച്ചിരുന്നത്. എന്നാല്‍ ചിത്രം പ്രദര്‍ശിപ്പിച്ചാല്‍ ബോംബ് സ്‌ഫോടനം നടക്കുമെന്ന് തമിഴ്‌നാട് മാനവര്‍ പരച്ചി പടൈ എന്ന സംഘടന ഭീഷണിപ്പെടുത്തിയതോടെയാണ് ചിത്രത്തിന്റെ തമിഴ്‌നാട്ടിലെ റിലീസ് മുടങ്ങിയത്. തമിഴ്‌നാട്ടില്‍ ചിത്രം റിലീസ് ചെയ്യില്ലെന്നറിഞ്ഞ് വെള്ളിയാഴ്ച വിഷ്ണു പടം കാണാനായി പാലക്കാട് വേലന്താവളം വരെ വന്നെങ്കിലും ടിക്കറ്റ് ലഭിച്ചില്ല. ഇതോടെ നിരാശനായി വീട്ടിലെത്തിയ വിഷ്ണുവിനെ തൂങ്ങിമരിച്ച നിലയില്‍ കണ്ടെത്തുകയായിരുന്നു. മുറിയിലെ ഫാനില്‍ തൂങ്ങിമരിച്ച നിലയിലാണ് വിഷ്ണുവിനെ കണ്ടെത്തിയത്.