വിഘ്നേഷ് ശിവനുമായുള്ള വിവാഹ ശേഷം നയൻതാരയുടെ വ്യക്തിജീവിതത്തെ കുറിച്ചുള്ള ചർച്ചകളിലാണ് പലരും. വളരെ സാധാരണക്കാരിയായ മലയാളി പെണ്‍കുട്ടിയില്‍ നിന്നും തെന്നിന്ത്യ അടക്കി വാഴുന്ന സൂപ്പർ താരങ്ങളുടെ എക്സ്പൻസീവ് നായിക എന്ന നിലയിലേക്ക് നയന്‍താര വളർന്നത് അതിവേഗമായിരുന്നു.

വ്യക്തി ജീവിതത്തിലെ നയൻതാരയുടെ നേട്ടങ്ങളെ പറ്റിയും വീഴ്ചകളെ പറ്റിയുമൊക്കെ നിരവധി പേരാണ് ചർച്ചകൾ ചെയ്യുന്നത്. മുൻപ് നയൻതാര നടനും നർത്തകനും സംവിധായകനുമായ പ്രഭുദേവയുമായി ഇഷ്ടത്തിലായിരുന്നു. വിഘ്നേഷ് ശിവനെ പരിചയപ്പെടുന്നതിനു മുൻപുള്ള കാലമായിരുന്നു ഈ ഇഷ്ടം. ഇവ രണ്ടു പേരും വിവാഹം കഴിച്ച് ഒന്നിച്ച് ജീവിക്കാൻ വരെ തീരുമാനിച്ചതുമാണ്.

ഭര്‍ത്താവിനെ പിന്തുണച്ചും നയന്‍താരയെ കുറ്റം പറഞ്ഞുമാണ് റംലത്ത് രംഗത്ത് വന്നത്. അന്യൻ്റെ ഭര്‍ത്താവിനെ തട്ടിയെടുത്ത് കൊണ്ട് പോയ നയന്‍താരയെ ശിക്ഷിക്കണം എന്നും താരപത്നി റംലത്ത് ആവശ്യപ്പെട്ടിരുന്നു. തൻ്റെ ഭര്‍ത്താവ് ഒരിക്കലും നയന്‍താരയെ പ്രണയിച്ചതല്ല എന്നും ബ്ലാക്ക് മാജിക് കാണിച്ച് അദ്ദേഹത്തെ വീഴ്ത്തിയത് ആണെന്നുമാണ് റംലത്ത് ആരോപിച്ചത്.

സ്‌നേഹവും സംരക്ഷണവും ഉള്ള നല്ലൊരു ഭര്‍ത്താവ് ആയിരുന്നു പ്രഭുദേവ എന്നും പതിനഞ്ച് വര്‍ഷവും അങ്ങനെയായിരുന്നുവെന്നും റംലത്ത് പറഞ്ഞിരുന്നു.പ്രഭുദേവയും റംലത്തും വിവാഹിതരാവുന്നത് 1995 ലാണ്. മുസ്ലിം കുടുംബത്തില്‍ ജനിച്ച റംലത്ത് പ്രഭുദേവയുമായുള്ള വിവാഹത്തോട് അനുബന്ധിച്ച് ലത എന്ന പേര് സ്വീകരിക്കുകയും ചെയ്തിരുന്നു. നയന്‍താരയും പ്രഭുദേവയും പരസ്പരം അകന്നതിനു ശേഷമാണ് നയന്‍സ് വിക്കിയുമായി ഇഷ്ടത്തിലായത്.

എന്നാൽ നയന്‍താരയും പ്രഭുദേവയും തമ്മിലുണ്ടായിരുന്ന പ്രണയം അധികകാലം മുന്നോട്ട് പോവാതെ തകരുകയായിരുന്നു. ഈ ബന്ധത്തെ കുറിച്ചുള്ള വാർത്തകൾ കാട്ടുതീ പോലെ പടർന്നപ്പോൾ പ്രഭുദേവയുടെ ആദ്യഭാര്യ വിമർശനങ്ങളുമായി മാധ്യമങ്ങളുടെ മുന്നിലെത്തുകയുമുണ്ടായി.

ഇപ്പോഴിതാ നയൻതാര വിഘ്നേഷുമായി വിവാഹം ചെയ്തതിന് പിന്നാലെ സോഷ്യൽ മീഡിയയിൽ റംലത്തിൻ്റെ വാക്കുകൾ ശ്രദ്ധിക്കപ്പെടുകയാണ്. തൻ്റെ ഭര്‍ത്താവ് മറ്റൊരു സ്ത്രീയെ ജീവിതത്തിലേക്ക് കൊണ്ട് വന്നുവെന്ന് ഉള്‍കൊള്ളാന്‍ അവര്‍ക്ക് സാധിച്ചിരുന്നില്ല. റംലത്ത് അന്ന് പറഞ്ഞ വാക്കുകളിലേക്ക് വീണ്ടും.

ഞങ്ങള്‍ക്ക് വേണ്ടി പ്രഭുദേവ ഒരു വീടും വാങ്ങി തന്നിരുന്നു. പക്ഷേ കാര്യങ്ങളൊക്കെ മാറിയത് നയൻതാരയുടെ വരവോടെയാണ്. അദ്ദേത്തിൻ്റെ സ്വഭാവത്തിലും പെരുമാറ്റത്തിലുമൊക്കെ മാറ്റം വന്നു. അദ്ദേഹത്തിൻ്റെ കുടുംബത്തിൻ്റെ സ്വഭാവവും മാറിയെന്നും റംലത്ത് പറഞ്ഞിരുന്നു. തൻ്റെ ഭര്‍ത്താവിനെ മോഷ്ടിച്ചെടുത്ത നയന്‍താരയെ പോലീസ് അറസ്റ്റ് ചെയ്യണമെന്നും കോടതി ഉചിതമായ ശിക്ഷ നൽകണമെന്നും താരപത്‌നി ആവശ്യപ്പെട്ടിരുന്നു. നയന്‍താരയെ എവിടെ കണ്ടാലും അവിടെ വെച്ച് ഞാന്‍ തല്ലുമെന്നും അവളൊരു മോശം സ്ത്രീയ്ക്ക് ഉദ്ദാഹരണമാണെന്നുമൊക്കെ റംലത്ത് പറഞ്ഞിരുന്നു.