തമിഴ്കത്തിന്റെ പ്രിയ നടന്‍ അജിത്ത് ഉണ്ടാക്കിയ ബിരിയാണി നടി ശ്രൂതി ഹാസന്‍ വേണ്ടെന്ന് പറയാന്‍ കാരണം എന്തായിരിക്കും? ഇതാണ് തലയുടെ ആരാധകര്‍ ഇപ്പോള്‍ ഏറെ ചര്‍ച്ച ചെയ്യുന്നത്. അജിത്തിന്റെ സ്‌പെഷ്യല്‍ ബിരിയാണിയെ കുറിച്ച് അറിയണമെങ്കില്‍ ലൊക്കേഷനില്‍ പോകണം. താന്‍ അഭിനയിക്കുന്ന ചിത്രത്തിന്റെ ഷൂട്ടിങ് ലൊക്കേഷനില്‍ ഏതെങ്കിലും ഒരു ദിവസം അജിത്ത് ബിരിയാണി ഉണ്ടാക്കി സഹപ്രവര്‍ത്തകര്‍ക്ക് നല്‍കുന്നത് ശീലമാണ്.
ആ ബിരിയാണിയുടെ മണം കിട്ടിയാല്‍ തന്നെ നാക്കില്‍ വെള്ളമൂറും എന്നാണ് പറയുന്നത്. അതുപോലെ, വേതാളം എന്ന പുതിയ ചിത്രത്തിന്റെ ഷൂട്ടിങ് ലൊക്കേഷനിലും തല അജിത്ത് ബിരിയാണി ഉണ്ടാക്കി സഹപ്രവര്‍ത്തകര്‍ക്കു നല്‍കി. എന്നാല്‍ ചിത്രത്തിലെ നായിക ശ്രുതി ഹസന്‍ മാത്രം അത് രുചിച്ച് നോക്കിയില്ല. ശ്രുതി ഹസന്‍ ഒരു ബ്രാഹ്മണ പെണ്‍കുട്ടിയാണ്.
പക്ഷെ ഇഷ്ടമുള്ള നോണ്‍ വെജിറ്റേറിയന്‍ ഭക്ഷണങ്ങളൊക്കെ കഴിക്കാറുണ്ടെന്നാണ് വാസ്തവം. ശ്രുതി സ്ട്രിക് ഡയറ്റിങിലാണത്രെ. കൊഴുപ്പുള്ള ഭക്ഷണങ്ങളൊന്നും കഴിക്കാറില്ല. അതുകൊണ്ടാണ് അജിത്തുണ്ടാക്കിയ ബിരിയാണി നാവില്‍ പോലും വച്ചു നോക്കാത്തതെന്നാണ് റിപ്പോര്‍ട്ടുകള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha