വാർത്താ സമ്മേളനത്തിനിടെ പൊട്ടിക്കരഞ്ഞ് ഐശ്വര്യ ലക്ഷ്മി. ആശ്വസിപ്പിച്ച് സായി പല്ലവി. വാർത്താ സമ്മേളനത്തിനിടെയാണ് ഈ സംഭവങ്ങൾ അരങ്ങേറിയത്. സായി പല്ലവി നായികയായി എത്തുന്ന ‘ഗാർഗി’ സിനിമയുടെ വാർത്താ സമ്മേളനത്തിനിടെ ഐശ്വര്യ ലക്ഷ്മി കരഞ്ഞത്. ‘‘ഗാർഗി എന്നത് ഐശ്വര്യയെ സംബന്ധിച്ച് വൈകാരികമായി ബന്ധമുള്ള ഒരു ചിത്രമായിരുന്നു. ചിത്രം റിലീസിനൊരുങ്ങുന്നതിന്റെ സന്തോഷത്തിലാണ് കരഞ്ഞത്. 

ഐശ്വര്യയുടെ വാക്കുകൾ ഇങ്ങനെ ; “ഗാർഗി എനിക്ക് ഒരു ഇമോഷനൽ സിനിമയാണ്. അതിന്റെ ആശയം കൊണ്ടല്ല, അതിൽ ജോലി ചെയ്ത ആളുകളാൽ. മിടുക്കരായ നിരവധി സാങ്കേതിക പ്രവർത്തകർ ഈ ചിത്രത്തിലുണ്ട്. പിന്നെ സായ് പല്ലവി അല്ലായിരുന്നെങ്കിൽ അതൊരിക്കലും ഗാർഗി ആവുമായിരുന്നില്ല. നിങ്ങൾക്കല്ലാതെ മറ്റാർക്കും ഇത്ര മനോഹരമായി ഗാർഗിയെ അവതരിപ്പിക്കാനാവില്ല എന്നും ഐശ്വര്യ ലക്ഷ്മി വ്യക്തമാക്കി.

രവിചന്ദ്രൻ രാമചന്ദ്രൻ, ഐശ്വര്യ ലക്ഷ്മി, തോമസ് ജോർജ്, ഗൗതം രാമചന്ദ്രൻ എന്നിവർ ചേർന്നാണ് ഗാർഗി നിർമിച്ചത്. മൂന്നുവർഷത്തോളം നീണ്ട ചിത്രത്തിന്റെ ഓരോ ഘട്ടത്തിലും വലിയ പിന്തുണയുമായി നിന്ന ഒരാൾ ഐശ്വര്യ ലക്ഷ്മിയായിരുന്നുവെന്ന് ഗാർഗിയുടെ സംവിധായകൻ ഗൗതം രാമചന്ദ്രൻ വ്യക്തമാക്കി.