സ്വന്തം താരമാണ് സായ് പല്ലവി. വ്യത്യസ്തമായ കഥാപാത്രങ്ങളിലൂടെയായി ശ്രദ്ധ നേടിയ താരം പുതിയ സിനിമയുമായെത്തുകയാണ്. ഗാര്‍ഗിയെന്ന് പേരിട്ടിരിക്കുന്ന ചിത്രം ജൂലൈ 15 ന് റിലീസിന് ചെയ്യുമെന്നുള്ള വിവരങ്ങളാണ് പുറത്തുവന്നിട്ടുള്ളത്. സിനിമയുടെ പ്രമോഷന്‍ ചടങ്ങിലെ വിശേഷങ്ങള്‍ സോഷ്യല്‍മീഡിയയിലൂടെ വൈറലായിക്കൊണ്ടിരിക്കുകയാണ്.

സിനിമയെക്കുറിച്ച് സംസാരിക്കുന്നതിനിടയില്‍ വികാരഭരിതയായ ഐശ്വര്യ ലക്ഷ്മിയെ ആശ്വസിപ്പിക്കുന്ന സായ് പല്ലവിയുടെ വീഡിയോ വൈറലായിരുന്നു. സംസാരിക്കുന്നതിന് മുന്‍പ് തന്നെ ഐശ്വര്യ കരഞ്ഞുതുടങ്ങിയിരുന്നു. അതിനിടയിലായിരുന്നു സായ് പല്ലവി അരികിലേക്കെത്തി കെട്ടിപ്പിടിച്ച് ആശ്വസിപ്പിച്ചത്.

ഗാര്‍ഗിയില്‍ സായ് പല്ലവിക്കൊപ്പം ഐശ്വര്യയും അഭിനയിച്ചിരുന്നു. അഭിനയം മാത്രമല്ല നിര്‍മ്മാണത്തിലും താരത്തിന്റെ സാന്നിധ്യമുണ്ട്.
മൂന്ന് വര്‍ഷത്തോളം നീണ്ട യാത്രയാണ് എനിക്കിത്. അതേക്കുറിച്ച് പറയുമ്പോള്‍ ഇമോഷണലായിപ്പോവും. ഞാനിപ്പോള്‍ കരയുമെന്നാണ് തോന്നുന്നതെന്ന് പറഞ്ഞ് വിങ്ങിപ്പൊട്ടുകയായിരുന്നു ഐശ്വര്യ. മൈക്കിന് മുന്നില്‍ വികാരഭരിതയായ ഐശ്വര്യയുടെ അരികിലേക്ക് ഓടിയെത്തി കെട്ടിപ്പിടിക്കുകയായിരുന്നു സായ് പല്ലവി.

സന്തോഷം കൊണ്ടാണ് ഇങ്ങനെ വന്നത്. ഈ സിനിമയുടെ സ്‌ക്രിപ്റ്റിനെക്കുറിച്ച് അറിഞ്ഞത് മുതല്‍ ഐശ്വര്യ കൂടെയുണ്ട്. ഗൗതമിനൊപ്പം കാര്യങ്ങള്‍ നോക്കാനും ചെയ്യാനുമെല്ലാം കൂടെയുണ്ടായിരുന്നു. അതുകൊണ്ട് തന്നെ അവള്‍ക്കിത് ഇമോഷണലാണെന്നാണ് തോന്നുന്നതെന്നുമായിരുന്നു സായ് പല്ലവി പറഞ്ഞത്.സിനിമയ്ക്ക് നിര്‍മ്മാതാക്കളെ കിട്ടുന്നതിനായി ബുദ്ധിമുട്ടിയിരുന്നു.

ആ സമയത്ത് നല്ല ടെന്‍ഷനിലായിരുന്നു. സിനിമ എവിടെയൊക്കെ ചിത്രീകരിക്കണമെന്നൊക്കെ തീരുമാനിച്ചത് അപ്പോഴായിരുന്നു. ആ സമയത്ത് ചില സുഹൃത്തുക്കളാണ് ശക്തമായ പിന്തുണയുമായി കൂടെയുണ്ടായിരുന്നത്. അതിലേറ്റവും പ്രധാനപ്പെട്ടയാള്‍ ഐശ്വര്യയാണ്. അവളില്ലെങ്കില്‍ ഇത് ഇത്ര എളുപ്പമാവുമായിരുന്നില്ല. ഇനി കരയാന്‍ പാടില്ലെന്നുമായിരുന്നു ഐശ്വര്യയോട് ഗൗതം പറഞ്ഞത്. ആശയം കൊണ്ടല്ല മികച്ചൊരു ടീമാണ് ഗാര്‍ഗിയുടേത്. സായ് പല്ലവിയില്ലെങ്കില്‍ ഗാര്‍ഗി സംഭവിക്കില്ലായിരുന്നു. അത്രയും മനോഹരമായാണ് സായ് പല്ലവി ചെയ്തത് എന്നുമായിരുന്നു ഐശ്വര്യ ലക്ഷ്മി പറഞ്ഞത്.