നിരൂപക പ്രശംസ നേടിയ തമിഴ് ചിത്രമായ ജയ് ഭീമിൽ അഭിനയിച്ച നടൻ സൂര്യ, അടുത്തിടെ ഭാര്യയും നടിയുമായ ജ്യോതികയ്ക്കും മക്കൾക്കുമൊപ്പം മുംബൈയിൽ എത്തിയിരുന്നു. കുടുംബത്തോടൊപ്പമുള്ള അദ്ദേഹത്തിന്റെ ഈ വീഡിയോ സോഷ്യൽ വൈറലായിരുന്നു. താരകുടുംബത്തെ വളഞ്ഞ് പാപ്പരാസികൾ ചിത്രം പകർത്തുന്നതിനിടയിൽ മക്കളെ വെറുതെ വിടൂ എന്ന് സൂര്യ പറയുന്ന വീഡിയോ ഇപ്പോൾ സോഷ്യൽ മീഡിയയിൽ തരംഗമാവുകയാണ്.

യഥാർത്ഥത്തിൽ, ഭാര്യ ജ്യോതികയുടെ കുടുംബത്തെ കാണാനാണ് സൂര്യ മുംബൈയിലെത്തിയത്. ഇത് കുറച്ച് ദിവസങ്ങൾക്ക് മുമ്പാണെങ്കിലും. ഇപ്പോൾ അതിന്റെ വീഡിയോ ഫാൻസ് പേജിലാണ് ഷെയർ ചെയ്യപ്പെട്ടിരിക്കുന്നത്. സൂര്യയും ജ്യോതികയും ഒരുമിച്ചാണെന്ന് വ്യക്തമായി കാണാം. പാപ്പരാസികൾക്ക് മുന്നിൽ അവർ കൃത്യമായി പോസ് ചെയ്യുന്നുമുണ്ട്. കാറുകൾ പാർക്ക് ചെയ്യുന്നിടത്താണ് ഇതെല്ലാം നടക്കുന്നത്.

ഇരുവരും കാറിനടുത്തേക്ക് നടക്കുമ്പോൾ സൂര്യ തന്റെ രണ്ട് മക്കളെയും വിളിച്ചു. മക്കൾ കാറിന് അടുത്തേയ്ക്ക് എത്തുമ്പോൾ ഫോട്ടോ പകർത്താൻ ശ്രമിക്കുന്ന പാപ്പരാസികളോട് സൂര്യ ദേഷ്യപ്പെടുന്നുണ്ട്. തന്റെയും ജ്യോതികയുടെയും ചിത്രം എടുത്തുകൊള്ളൂവെന്നും കുട്ടികളെ ഒഴിവാക്കണമെന്നും സൂര്യ മാധ്യമപ്രവർത്തകരോട് അഭ്യർഥിച്ചു. താരത്തിന്റെ ഈ വീഡിയോയെ വാനോളം പുകഴ്ത്തുകയാണ് ആരാധകർ.

കമൽഹാസന്റെ 'വിക്രം' എന്ന ചിത്രത്തിലാണ് സൂര്യ അവസാനമായി ഒരു അതിഥി വേഷത്തിൽ അഭിനയിച്ചത്. അതിൽ റോളക്സ് എന്ന കഥാപാത്രത്തെയാണ് അദ്ദേഹം അവതരിപ്പിച്ചത്. ഇതുകൂടാതെ, ആർ മാധവന്റെ റോക്കട്രി: ദി നമ്പി ഇഫക്‌റ്റിലും അദ്ദേഹം അഭിനയിച്ചു. ഇപ്പോഴിതാ ഹിന്ദി സിനിമകളിൽ നിർമ്മാതാവായി പ്രവേശിക്കാൻ ഒരുങ്ങുകയാണ് സൂര്യ. 2ഡി എന്റർടൈൻമെന്റ് പ്രൊഡക്ഷൻ കമ്പനി ദേശീയ അവാർഡ് നേടിയ സൂരറൈ പോട്ര് എന്ന ചിത്രത്തിന്റെ ബോളിവുഡ് റീമേക്കാണ് നിർമ്മിക്കുന്നത്. അക്ഷയ് കുമാറും ഭൂമി പെഡ്‌നേക്കറുമാണ് ഇതിൽ അഭിനയിക്കുന്നത്.