വീണ്ടും ഒരു ചരിത്ര നായികയി അനുഷ്‌ക എത്തുകയാണ്‌. കൈ നിറയെ തെന്നിന്ത്യന്‍ സിനിമകളുമായി അനുഷ്‌ക നിറഞ്ഞു നില്‍ക്കുന്നു. തെലുങ്കിലും തമിഴിലും ഒരുപോലെ ശോഭിക്കാന്‍ കഴിയുന്നുണ്ട്‌ ഈ താര റാണിക്ക്‌. ഗുണശേഖര്‍ സംവിധാനം ചെയ്യുന്ന ചിത്രത്തിലാണ്‌ അനുഷ്‌ക ചരിത്ര നായികയാവുന്നത്‌. തമിഴിലും തെലുങ്കിലും ഒരേസമയം ഈ ചിത്രം റിലീസ്‌ ചെയ്യും. കടുത്ത ചതിപ്രയോഗങ്ങളെ നേരിടേണ്ടി വരുന്ന രുദ്രമ്മ എന്ന കഥാപാത്രത്തേയാണ്‌ അനുഷ്‌ക അവതരിപ്പിക്കുന്നത്‌.
കാര്‍ത്തി നായകനായ അലക്‌സ്‌ പാണ്‌ഡ്യന്‍, സെല്‍വരാഘവന്‍ സംവിധാനം ചെയ്യുന്ന ഇരണ്ടാം ഉലകം, സൂര്യ നായകനാവുന്ന സിങ്കത്തിന്റെ രണ്ടാം ഭാഗം, അജിത്തിന്റെ പുതിയ സിനിമ എന്നിങ്ങനെ നീളുന്നു അനുഷ്‌കയുടെ പുതിയ തമിഴ്‌ ചിത്രങ്ങള്‍.
ഡമരുകം, ബ്രിന്ദാവനോമലോ നന്ദകുമാരഡു, വാരാധി തുടങ്ങിയവയാണ്‌ തെലുങ്കിലെ പുതിയ ചിത്രങ്ങള്‍.
വീണ്ടുമൊരു ചരിത്ര സിനിമയിലെ നായികയായതിലെ ത്രില്ലിലാണ്‌ അനുഷ്‌ക. ലോകത്തെമ്പാടുമുള്ള ആരാധകര്‍ കാത്തിരിക്കുകയാണ്‌ ഈ മംഗലാപുരം സുന്ദരിയുടെ പുതിയ ചിത്രത്തിനായി.