സംഗീത സംവിധായകന്‍ എ ആര്‍ റഹ്മാന്റെ മകള്‍ ഖദീജ റഹ്മാന്‍ സംഗീത സംവിധാന രംഗത്തേക്ക്. മിന്‍മിനി എന്ന തമിഴ് ചിത്രത്തിലൂടെയാണ് ഖദീജയുടെ സിനിമാ അരങ്ങേറ്റം. സില്ലു കരുപ്പാട്ടി എന്ന ചിത്രത്തിലൂടെ ശ്രദ്ധേയയായ ഹലീദ ഷമീമിന്റെ പുതിയ ചിത്രമാണ് മിന്‍മിനി. ചിത്രത്തിനായി ഒരുക്കിയ ഗാനങ്ങള്‍ക്ക് നന്ദി പറഞ്ഞുകൊണ്ട് ഖദീജയോടൊപ്പമുള്ള ചിത്രവും ഹലീദ ട്വിറ്ററിലൂടെ പങ്കു വെച്ചിട്ടുണ്ട്.

സിനിമയുടെ വിശേഷങ്ങള്‍ ഖദീജയും സോഷ്യല്‍ മീഡിയയില്‍ പങ്കുവച്ചു. സംവിധായിക ഹലിദയ്ക്ക് നന്ദി കുറിച്ചുകൊണ്ടുള്ളതാണ് കുറിപ്പ്. കഴിഞ്ഞുപോയ മാസം ഏറെ ബുദ്ധിമുട്ടേറിയതായിരുന്നു എന്നാണ് ഖദീജ കുറിക്കുന്നത്. തനിക്ക് പിന്തുണ നല്‍കിയ കുടുംബത്തിനോടും നന്ദി കുറിച്ചു. ഗായിക എന്ന നിലയില്‍ ശ്രദ്ധേയയായ ഖദീജ സ്വന്തം മ്യൂസിക് വിഡിയോയും പുറത്തിറക്കിയിട്ടുണ്ട്. എസ്തര്‍ അനില്‍, ഗൗരവ് കലൈ, പ്രവീണ്‍ കിഷോര്‍ എന്നിവരാണ് മിന്‍മിനിയില്‍ പ്രധാന വേഷത്തിലെത്തുന്നത്.