ഫഹദ് ഫാസില്‍ വില്ലനായി എത്തുന്ന ചിത്രം മാമന്നന്‍ ജൂണ്‍ 29ന് തിയേറ്ററുകളിലെത്തും
ഫഹദ് ഫാസില്‍ വില്ലനായി എത്തുന്ന തമിഴ് ചിത്രം മാമന്നന്‍ ജൂണ്‍ 29ന് തിയേറ്ററുകളിലെത്തും. പരിയേറും പെരുമാള്‍, കര്‍ണന്‍ എന്നീ ചിത്രങ്ങള്‍ക്ക് ശേഷം മാരി സെല്‍വരാജ് സംവിധാനം ചെയ്യുന്ന ചിത്രമാണ് മാമന്നന്‍. ഉദയനിധി സ്റ്റാലിന്‍, വടിവേലു, ഫഹദ് ഫാസില്‍, കീര്‍ത്തി സുരേഷ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
ഹാസ്യതാരം വടിവേലുവിന്റെ കരിയറിലെ സുപ്രധാന കഥാപാത്രമായിരിക്കും മാമന്നനിലേത്. തന്റെ മുന്‍സിനിമകളിലെന്ന പോലെ തമിഴ്‌നാട്ടിലെ ജാതിരാഷ്ട്രീയം പശ്ചാത്തലമാക്കിയാണ് മാരി സെല്‍വരാജ് മാമന്നന്‍ ഒരുക്കിയിരിക്കുന്നത് എന്നാണ് ട്രെയിലര്‍ നല്‍കുന്ന സൂചന. ചിത്രത്തില്‍ എ.ആര്‍. റഹ്മാന്‍ സംഗീതം നല്‍കിയ ഗാനങ്ങള്‍ നേരത്തെ തന്നെ ശ്രദ്ധ നേടിയിരുന്നു.
ഉദയ് നിധി സ്റ്റാലിന്റെ ഉടമസ്ഥതയിലുള്ള റെഡ് ജയന്റ് ആണ് ചിത്രം നിര്‍മ്മിച്ചിരിക്കുന്നത്.ഛായാഗ്രഹണം തേനി ഈശ്വര്‍. എച്ച്.ആര്‍ പിക്‌ചേഴ്‌സ് ആണി മാമന്നന്‍ കേരളത്തില്‍ വിതരണം ചെയ്യുന്നത്. പി.ആര്‍.ഒ പ്രതീഷ് ശേഖര്‍.
https://www.facebook.com/Malayalivartha
