ബീപ് ഗാനത്തെ കുറിച്ച് പരാതികള്‍ പ്രവഹിച്ചതോടെ നടന്‍ ചിമ്പുവിനെയും സംഗീത സംവിധായകന്‍ അനിരുദ്ധിനെയും അറസ്റ്റ് ചെയ്യാന്‍ പൊലീസ് ശ്രമം തുടങ്ങി. ചിമ്പു ബെംഗളൂരുവിലേക്കു കടന്നതായാണു സൂചന. കഴിഞ്ഞ ദിവസം ടി നഗറിലുളള വീട്ടില്‍ പൊലീസ് എത്തിയെങ്കിലും അവിടെ നടന്‍ ഉണ്ടായിരുന്നില്ല.

തുടര്‍ന്ന്, ഇതര സംസ്ഥാനങ്ങളിലേക്കും അന്വേഷണം വ്യാപിപ്പിക്കാന്‍ തയാറെടുക്കുകയാണ്. ചിമ്പു രാജ്യത്തിനു പുറത്തേക്കുപോകുന്നതു തടയുന്നതിനും പൊലീസ് നടപടി തുടങ്ങി.

മൊബൈല്‍ ഫോണ്‍ കേന്ദ്രീകരിച്ചു സൈബര്‍ സെല്‍ അന്വേഷണം ആരംഭിച്ചതായും വിവരം ലഭിച്ചിട്ടുണ്ട്. അനിരുദ്ധ് ടൊറന്റോയിലാണ്. തിരിച്ചെത്തിയാല്‍ ഉടന്‍ പിടികൂടാന്‍ വിമാനത്താവളങ്ങളില്‍ നിര്‍ദേശം നല്‍കിക്കഴിഞ്ഞു.

പൊലീസിനു മുന്‍പാകെ നേരില്‍ ഹാജരാകാന്‍ ചിമ്പുവിനു മദ്രാസ് ഹൈക്കോടതി അടുത്ത മാസം അഞ്ചുവരെ സമയം അനുവദിച്ചിട്ടുണ്ടെങ്കിലും മറ്റു കേസുകളില്‍ അറസ്റ്റ് ചെയ്യുന്നതിനു തടസ്സമില്ല.

അശ്ലീലപ്രയോഗങ്ങള്‍ വരുമ്പോള്‍ സിനിമയില്‍ ഉപയോഗിക്കുന്ന വിധത്തിലുള്ള ബീപ് ശബ്ദം വരികള്‍ക്കിടയില്‍ ദ്വയാര്‍ഥത്തില്‍ ഉപയോഗപ്പെടുത്തിയ ഗാനം, സ്ത്രീകളെ അപമാനിക്കുന്നതാണെന്നാണ് ആരോപണം. ചിമ്പുവാണു ഗാനം പാടിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha