ബാംഗ്ലൂര്‍ ഡേയ്‌സിന്റെ തമിഴ് പതിപ്പ് ബാംഗ്ലൂര്‍ നാട്കള്‍ റിലീസിനൊരുങ്ങുകയാണ്. തമിഴ് പതിപ്പില്‍ കേന്ദ്ര കഥാപാത്രങ്ങളെ അവതരിപ്പിച്ച താരങ്ങളുടെ ഒരു വാര്‍ത്താ സമ്മേളനം കഴിഞ്ഞ ദിവസം ചെന്നൈയില്‍ നടന്നു. ചടങ്ങില്‍ പാര്‍വതിയെ വാനോളം പുകഴ്ത്തിയായിരുന്നു ആര്യയുടെ സംസാരം.
സിനിമയുടെ മലയാളം പതിപ്പ് കണ്ടപ്പോഴേ എല്ലാവരും പറഞ്ഞു ആര്‍.ജെ സേറ എന്ന കഥാപാത്രം ചെയ്യാന്‍ പാര്‍വതിക്ക് മാത്രമേ സാധിക്കൂ. സിനിമ പൂര്‍ത്തിയായപ്പോഴാണ് ഇത് സത്യമാണെന്ന് തനിക്ക് മനസിലായത്. അത്രയ്ക്കും മനോഹരമായാണ് ആര്യ അഭിനയിച്ചിരിക്കുന്നത്. തികച്ചും ഒരു പെര്‍ഫക്ഷനിസ്റ്റ് ആണ് പാര്‍വതിയെന്നും ആര്യ പറഞ്ഞു.
ഒരു കഥാപാത്രത്തിന് വേണ്ടി ഇത്രയേറെ കഷ്ടപ്പെടേണ്ടി വരുമെന്ന് ചിന്തിക്കുന്നത് തന്നെ ഇവരുടെ കൂടെയൊക്കെ പ്രവര്‍ത്തിക്കുമ്പോഴാണ്. കഥാപാത്രത്തിന് വേണ്ടി എത്ര ത്യാഗം ചെയ്യാനും മനസ്സുള്ള നടിയാണ് പാര്‍വതിയെന്നും ആര്യ പറഞ്ഞു.
പാര്‍വതി അവതരിപ്പിച്ച ആര്‍.ജെ സേറ എന്ന കഥാപാത്രത്തെ ഒഴിച്ച് ബാക്കി എല്ലാ കഥാപാത്രങ്ങളെയും തമിഴില്‍ മറ്റുതാരങ്ങളാണ് അവതരിപ്പിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha