തെന്നിന്ത്യയിൽ നിരവധി ആരാധകരുള്ള താരദമ്പതികളാണ് സൂര്യയും ജ്യോതികയും. സൂര്യ തന്നെയാണ്  എല്ലാവിധ പിന്തുണയും നൽകി ജ്യോതികയെ തിരികെ അഭിനയത്തിലേക്ക് കൊണ്ടുവന്നത്.  ഇപ്പോൾ മുംബൈയിൽ സെറ്റിൽഡായ ജ്യോതിക ബോളിവുഡ് ഡ്രസ്സിങ് സ്റ്റൈൽ അടക്കം പരീക്ഷിക്കുകയാണ്. ഇതാണ് ഇപ്പോൾ ചർച്ചയ്ക്ക് വഴിവെച്ചത്. നടി ഗ്ലാമറസായി വസ്ത്രം ധരിച്ചത് തെന്നിന്ത്യൻ ആരാധകർക്ക്  അത്ര ബോധിച്ചിട്ടില്ല. ഇതോടെ വിമർശനവുമായി എത്തിയിരിക്കുകയാണ് ഇവർ.

കഴിഞ്ഞ ദിവസം 69ാമത് ഫിലിംഫെയർ സൗത്ത് പുരസ്കാര ദാന ചടങ്ങിൽ നടി എത്തിയിരുന്നു. ഡീപ്പ് നെക്കുള്ള ബ്ലാക്ക് ബ്രായ്ക്കൊപ്പം ബ്ലെയ്സറും ഹെവി നെക്ക് പീസും മറ്റ് ജ്വല്ലറികളും സ്റ്റൈൽ ചെയ്ത് ക്ലാസി ലുക്കിലാണ് നടിയുടെ എൻട്രി. ചടങ്ങിനെത്തിയ  ജ്യോതികയുടെ വീഡിയോയും ഫോട്ടോസും വൈറലായിരുന്നു. ഇത്തരത്തിലുള്ള  ഗ്ലാമറസായി വസ്ത്രം ധരിച്ചതിനാണ് നടിയെ സോഷ്യൽമീഡിയ വിമർശിക്കുന്നത്.

അതേസമയം ജ്യോതികയിൽ നിന്നും ഇത് പ്രതീക്ഷിച്ചില്ല, ഇങ്ങനെയൊക്കെ വസ്ത്രം ധരിക്കാൻ സൂര്യ ജ്യോതികയെ സമ്മതിച്ചുവോയെന്നും ജ്യോതികയോടുള്ള സ്നേഹം ഇല്ലാതെയായെന്നും ഒക്കെയാണ് കമന്റുകൾ. എന്നാൽ ഇതേസമയം തന്നെ ചിലർ നടിയുടെ ഫാഷൻ സെൻസിനെയും യുവത്വത്തെയും പ്രശംസിക്കുന്നവരുണ്ട്.

ബ്ലെയ്സറിൽ ജ്യോതികയ്ക്ക് പത്ത് വയസ് കുറഞ്ഞതായി തോന്നുന്നുവെന്നും കമന്റുകളുണ്ട്. വസ്ത്രധാരണത്തിന്റെ പേരിൽ ഒരു വ്യക്തിയുടെ വ്യക്തിത്വം വിലയിരുത്തുന്നത് ന്യായമല്ലെന്നാണ് നടിയെ അനുകൂലിച്ചവർ കുറിച്ചത്. എന്നാൽ  ജ്യോതികയുടെ ഗ്ലാമറസ് ലുക്കിന് പ്രശംസയെക്കാൾ ഏറെ വിമർശനമാണ് ലഭിച്ചത്.