രജനീകാന്തിന്റെ പുതിയ ചിത്രം 'കബാലി'യുടെ ഗാനങ്ങള്‍ പുറത്തിറങ്ങി. നേരത്തെ നിശ്ചയിച്ചിരുന്ന വലിയ ചടങ്ങ് ഉപേക്ഷിച്ച് ആര്‍ഭാടങ്ങളൊന്നുമില്ലാതെ ഗാനങ്ങള്‍ റിലീസ് ചെയ്യുകയായിരുന്നു. ചിത്രത്തിന്റെ റിലീസ് തീയതിയും നീട്ടിയതായി നേരത്തെ റിപ്പോര്‍ട്ട് വന്നിരുന്നു. രജനീകാന്ത് പങ്കെടുക്കാത്ത ചടങ്ങില്‍ രജനിയുടെ മകള്‍ സൗന്ദര്യയാണ് ഗാനങ്ങള്‍ പുറത്തിറക്കിയിരിക്കുന്നത്.

തിങ്ക് മ്യൂസിക്ക് റെക്കോഡ് വിലയ്ക്കാണ് കബാലിയുടെ ഗാനങ്ങളുടെ അവകാശം വാങ്ങിയത്. നിലവില്‍ ജുലൈ ഒന്നിനാണ് കബാലിയുടെ റിലീസ് നിശ്ചയിച്ചിരുന്നത് ഇത് മാറിയേക്കും. അധോലോക നായകന്റെ ജീവിതകഥ പറയുന്ന ചിത്രത്തിന്റെ സംവിധായകന്‍ പാ രഞ്ജിത്താണ്. രാധിക ആപ്‌തേയാണ് നായിക. സന്തോഷ് നാരായണനാണ് സംഗീതം. കലയരശന്‍, വിന്‍സ്റ്റ്ണ്‍ ചാഓ, ധന്‍സിക തുടങ്ങിയവരും ചിത്രത്തില്‍ പ്രധാനവേഷത്തില്‍ എത്തുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha