തമന്ന വാളെടുക്കുന്നു. ഈമാസം അവസാനം ചിത്രീകരണം തുടങ്ങുന്ന ബാഹുബലിയുടെ ക്‌ളൈമാക്‌സിന് വേണ്ടിയാണ് താരം വാള്‍പയറ്റ് പരിശീലിക്കുന്നത്. അതിവേഗത്തിലോടുന്ന കുതിരയുടെ കുതിരപ്പുറത്തിരുന്ന് വാള്‍പയറ്റ് നടത്തുന്ന സീനിന് വേണ്ടിയാണ് ഇത്. സംഘട്ടനരംഗത്തിനിടെ ടൈമിംഗ് തെറ്റിയാലോ, ചലനങ്ങളില്‍ വീഴ്ചപറ്റിയാലോ വലിയ അപകടം സംഭവിക്കും. അതുകൊണ്ടാണ് വാള്‍പയറ്റും കുതിരസവാരിയും ഒരുമിച്ച് പഠിക്കുന്നത്. ഹോളിവുഡ് സ്റ്റണ്ട്മാസ്റ്റര്‍ ലീയാണ് ബാഹുബലി ടീമിന് പരിശീലനം നല്‍കുന്നത്. അത് താരങ്ങള്‍ക്ക് പുതിയ അനുഭവമാണ്. 
തമന്ന, പ്രഭാസ്, സത്യരാജ് തുടങ്ങിയ നിരവധി താരങ്ങളാണ് ക്‌ളൈമാക്‌സില്‍ അണിനിരക്കുന്നത്. നിരവധി ജൂനിയര്‍ ആര്‍ടിസ്റ്റുകളും കുതിരകളും ഉള്‍പ്പെടെ പങ്കെടുക്കുന്നുണ്ട്. ഹൈദരാബാദിലാണ് ചിത്രീകരണം നടക്കുന്നത്. ചിത്രീകരണത്തിനിടെ കൃത്രിമത്വം തോന്നാതിരിക്കാന്‍ ഡമ്മിയാണെങ്കിലും ഭാരമുള്ള വാളുകള്‍ തന്നെയാണ് ഉപയോഗിക്കുന്നത്. ഇത് പലപ്പോഴും തമന്നയ്ക്ക് പ്രയാസമാകുന്നുണ്ട്. വാള് ചുഴറ്റിയും കുതിരയെ പല കോണുകളിലൂടെ പായിച്ചുമാണ് സീനുകള്‍ എടുക്കുന്നത്. സീനുകള്‍ എടുത്തിട്ട് വിഷ്വല്‍ എഫക്‌സ് ചെയ്യേണ്ടതിനാല്‍ അതീവ സൂഷ്മതയോടെയാണ് ചിത്രീകരണം നടത്തുന്നത്.
അടുത്ത വര്‍ഷം ആദ്യം ബാഹുബലി പ്രദര്‍ശനത്തിനെത്തും. ആദ്യഭാഗത്തില്‍ നിന്ന് മികച്ച് നിന്നാലേ രണ്ടാം ഭാഗവും സൂപ്പര്‍ഹിറ്റാകൂ എന്ന് അണിയറപ്രവര്‍ത്തകര്‍ക്ക് അറിയാം. അതിനാല്‍ വളരെ സൂഷ്മതയോടെയാണ് ഓരോ സീനുകളും എടുക്കുന്നത്. രണ്ടാം ഭഗത്തിന്റെ വിദേശ അവകാശം അന്‍പത് കോടിക്കാണ് വിറ്റ് പോയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha