ഈ ഫോട്ടോക്കു പിന്നില്‍ വലിയൊരു സംഭവകഥയുണ്ട്. കോളിവുഡിനെ പിടിച്ചുലച്ച വിവാദത്തിന്റെ പൂര്‍ണ്ണതയാണിത്. ഒട്ടേറെ ചോദ്യങ്ങള്‍ക്കുള്ള ഉത്തരവും. പ്രഭുദേവയുമായുള്ള വിവാഹത്തിനുവേണ്ടി സിനിമവരെ ഉപേക്ഷിച്ചതാണ് നയന്‍താര. എന്നാല്‍ പിന്നീടുകേട്ടു ഇരുവരും വേര്‍പിരിഞ്ഞു എന്ന്. എന്നാല്‍ ഇതിനു പിന്നിലെ കാരണം എന്താണെന്നു മാത്രം ആര്‍ക്കും അറിയില്ല. ഇരുവരും വിവാഹിതരായിരുന്നില്ല അതിനു മുമ്പേ വേര്‍പിരിഞ്ഞു എന്നാണു പലരും പറഞ്ഞിരുന്നത്. എന്നാല്‍ അതീവ രഹസ്യമായ ചടങ്ങില്‍ വെച്ച് ഇരുവരും വിവാഹം കഴിച്ചിരുന്നു എന്നും പിന്നീടു വേര്‍പിരിയുകയായിരുന്നു എന്നും വാര്‍ത്തകള്‍.
വില്ല്് എന്ന ചിത്രത്തിന്റെ ഷൂട്ടിങ് സമയത്തു വെച്ചാണു നയന്‍താരയും പ്രഭുദേവയും പ്രണയത്തിലാകുന്നത്. തുടര്‍ന്ന് ഇരുവരെക്കുറിച്ചും ഗോസിപ്പുകള്‍ പരന്നു. രണ്ടു പേരും ഇത്തരം വാര്‍ത്തകളില്‍ നിന്ന് ഒഴിഞ്ഞു മാറുന്നതിനിടയ്ക്കാണു നയന്‍താരയുടെ കയ്യില്‍ പ്രഭദേവയുടെ പേര് പച്ച കുത്തിയതു കണ്ടത്. ഇതിനേക്കുറിച്ചു ചോദിച്ചു എങ്കിലും ആദ്യം ഇവര്‍ ഒഴിഞ്ഞു മാറി. പിന്നീട് സമ്മതിക്കുകയായിരുന്നു. 2010 പ്രഭുദേവ ആദ്യ ഭാര്യ റംലത്തില്‍ നിന്നു വിവാഹമോചനം നേടി. തുടന്നു രണ്ടുവര്‍ഷത്തെ പ്രണയത്തിനു ശേഷം ഇരുവരും അതീവ രഹസ്യമായി വിവാഹിതരായത്രേ.
അതിവരഹസ്യമായാണു ചടങ്ങുകള്‍ നടത്തിയത്. അതുകൊണ്ടു തന്നെ വിവാഹം കഴിഞ്ഞോ ഇല്ലയോ എന്ന കാര്യത്തില്‍ വ്യക്തത ഉണ്ടായിരുന്നില്ല. ഏതാനം ദിവസം മാത്രമായിരുന്നു ഈ ബന്ധത്തിന് ആയുസ് ഉണ്ടായിരുന്നത്. ആദ്യ ബന്ധത്തില്‍ തനിക്കുണ്ടായ മക്കളെ കൂടെക്കുട്ടണം എന്ന് പ്രഭുദേവ പറഞ്ഞു. എന്നാല്‍ നമുക്ക് വേണ്ടതു സ്വകാര്യതയാണെന്നു നയന്‍താരയും. ഒടുവില്‍ ഇരുവരും വേര്‍പിരിയാം എന്ന തീരുമാനത്തില്‍ എത്തുകയായിരുന്നു. ഇങ്ങനെ ഒരു അഭിപ്രായം ആദ്യം പറഞ്ഞത് പ്രഭുദേവ തന്നെയാണ്.
പ്രഭുദേവയെ വിവാഹം കഴിക്കാനായി സിനിമ ഉപേക്ഷിച്ച നയന്‍താര കുറച്ചു നാളുകള്‍ക്കു ശേഷം രാജറാണി എന്ന ചിത്രത്തുലൂടെ ഗംഭിരമായി തിരിച്ചെത്തി. പിന്നീട് പ്രഭുദേവയും സിനിമയില്‍ സജീവമായി. കോളിവുഡില്‍ നിന്ന് ബോളിബുഡിലേയ്ക്കു സിനിമ ജീവിത മാറ്റി. ഇനി ഒരു സ്ത്രീ തന്റെ ജീവിതത്തില്‍ ഉണ്ടാവില്ലെന്നു തുടര്‍ന്നുള്ള ജീവിതം മക്കള്‍ക്കും രക്ഷിതാക്കള്‍ക്കും വേണ്ടിയാണെന്നും പ്രഭുദേവ പറയുകയായിരുന്നു.