നയന്‍താരയെയും ഹന്‍സികയെയും തമ്മിലടിപ്പിക്കാന്‍ തമിഴകത്തെ ചിലര്‍ ശ്രമിക്കുന്നതായി ആക്ഷേപം. താരങ്ങളിരുവരും വിശ്വാസികളാണ്. വെറും വിശ്വാസമല്ല, അന്ധമായ വിശ്വാസം. ഇരുവരും പലക്ഷേത്രങ്ങളിലും പൂജകള്‍ക്കും ഒരുമിച്ചാണ് പോകുന്നത്. ചൈന്നൈയിലെ വീട്ടിലും ഫഌറ്റിലും പൂജകളും ഹോമങ്ങളും ഇരുവരും ചേര്‍ന്നാണ് നടത്തുന്നത്. അന്ധവിശ്വാസം സിനിമാക്കാരുടെ കൂടപ്പിറപ്പാണെന്ന് പൊതുവേ പറയാറുണ്ട്. അങ്ങനെയല്ലാത്തവര്‍ സിനിമയിലെത്തിയാല്‍ താമസിക്കാതെ അന്ധവിശ്വാസത്തിന്റെ പിന്നാലെ പോകുമെന്നാണ് പറയുന്നത്. 
ഹന്‍സികയുടെയും നയന്‍താരയുടെയും ഭക്തി കണ്ടിട്ട്. നയന്‍സിനെ കുപ്പിയിലാക്കാന്‍ ഹന്‍സിക നടത്തുന്ന ശ്രമങ്ങളാണ് ഇതെന്ന് ചെന്നൈയിലെ സിനിമാക്കാര്‍ക്കിടയില്‍ ചര്‍ച്ചയാണ്. ഹന്‍സിക കുപ്പിയിലാക്കാന്‍ നടത്തുന്ന ശ്രമങ്ങള്‍ പലരും നയന്‍സിന്റെ ചെവിയില്‍ എത്തിച്ചിട്ടുണ്ട്. പക്ഷെ, നയന്‍സ് ഇതൊന്നും കേട്ടതായി ഭാവിച്ചില്ല. പണിയില്ലാത്തവര്‍ പലതും പറഞ്ഞ് പരത്തുമെന്നാണ് താരം പറയുന്നത്. അതേസമയം ഹന്‍സിക വളരാതിരിക്കാന്‍ നയന്‍താര ഹോമം നടത്തുന്നെന്ന് മറ്റുചിലര്‍ ഹന്‍സികയെ അറിയിച്ചു. എന്നാല്‍ ഹന്‍സിക എല്ലാം നിഷേധിച്ചു.
അടുത്തിടെ ഷൂട്ടിംഗുമായി ബന്ധപ്പെട്ട് നയന്‍സും ഹന്‍സികയും അണ്ണാശാലയിലെ ഫൈവ് സ്റ്റാര്‍ ഹോട്ടലിലാണ് താമസിച്ചിരുന്നത്. അതിനിടെ ഹോട്ടലിന് രാശിയില്ലെന്ന് നയന്‍താര പറഞ്ഞു. താന്‍ ഇത് അങ്ങോട്ട് പറയാനിരിക്കുകയാണെന്ന് ഹന്‍സിക വ്യക്തമാക്കി. അതോടെ ഇരുവരും പ്രൊഡക്ഷനെ സ്വാധീനിച്ച് ഹോട്ടല്‍ മാറാനുള്ള നീക്കം തുടങ്ങി. അങ്ങനെ സാംതോമസിലുള്ള മറ്റൊരു ഹോട്ടലിലേക്ക് ഇരുവരും ചേക്കേറി. എന്നാല്‍ നയന്‍താര ഹോട്ടലില്‍ എന്തോ പ്രശ്‌നം ഉണ്ടാക്കിയിട്ടാണ് ഒഴിഞ്ഞതെന്നാണ് അറിയുന്നത്. എന്നാല്‍ കൊമ്പുകോര്‍ക്കലിലും തമ്മിലടിയിലും ഈ താരങ്ങള്‍ ഒട്ടും പിന്നിലല്ലെന്നാണ് റിപ്പോര്‍ട്ടുകള്‍.