ശിവകാര്‍ത്തികേയന്റേയും കീര്‍ത്തിയുടെയും ഏറ്റവും പുതിയ ചിത്രമാണ് റെമോ, ഇതിന്റെ ചിത്രീകരണം നടക്കുന്നതിനിടയില്‍ പുറത്തിറങ്ങിയ ഏറ്റവും പുതിയ പാട്ട് റെക്കോര്‍ഡായിരിക്കുകയാണ്. മലയാളി നടി കീര്‍ത്തി സുരേഷ് നായികയാകുന്ന ശിവകാര്‍ത്തികേയന്‍ ചിത്രമായ റെമോയിലെ സിരിക്കാതെ എന്ന പാട്ടാണ് ഇപ്പോള്‍ യുട്യൂബില്‍ തരംഗമായിരിക്കുന്നത്. ഭാഗ്യരാജ് കണ്ണന്‍ സംവിധാനം ചെയ്യുന്ന പുതിയ ചിത്രത്തില്‍ ശിവകാര്‍ത്തികേയന്റെ നായികയായിട്ടാണ് കീര്‍ത്തി എത്തുന്നത്.

കഴിഞ്ഞ ദിവസങ്ങളില്‍ സെഞ്ചിട്ടലേയ് എന്ന ഗാനത്തിന്റെ ലിറിക്കല്‍ വിഡിയോയും 10 ലക്ഷത്തിന്റെ നേട്ടത്തിലെത്തിയിരുന്നു. അതിനു പിന്നാലെയാണ് തമിഴ് സിനിമയുടെ യുവസംഗീത സംവിധാന നിരയില്‍ ഏറ്റവും ശ്രദ്ധേയനായ അനിരുദ്ധിന്റെ പാട്ട് 12 ദിവസം കൊണ്ട് 10 ലക്ഷം പ്രേക്ഷകരെ നേടിയെടുത്തത്. അര്‍ജുന്‍ കനുങ്കോയിലും ശ്രീനിധി വെങ്കിടേഷും ചേര്‍ന്നു പാടിയ പാട്ടിനു വരികള്‍ നല്‍കിയത് വിഗ്‌നേഷ് ശിവനാണ്.
ചിത്രത്തില്‍ ശിവകാര്‍ത്തികേയന്‍ പെണ്‍വേഷത്തില്‍ എത്തുന്നു എന്ന പ്രത്യേകതയും ഉണ്ട്. ചിത്രത്തിന്റെ ഓഡിയോ ലോഞ്ച് അടുത്ത മാസം അഞ്ചിന് നടക്കുന്നതിനു മുന്‍പാണ് ഗാനം വൈറലാകുന്നത്.