ബോളിവുഡില്‍ തരംഗമായ ചിത്രമായിരുന്നു 2014ല്‍ പുറത്തിറങ്ങിയ രാഗിണി എംഎംഎസ്. സണ്ണി ലിയോണ്‍ സൂപ്പര്‍ ഹിറ്റാക്കിയ രാഗിണി എംഎംഎസ് റിമേയ്ക്ക് ചെയ്യുന്നു. സണ്ണി ലിയോണ്‍ പ്രധാന വേഷത്തില്‍ എത്തിയ ഈ ചിത്രം ശരീര പ്രദര്‍ശന രംഗങ്ങള്‍ കൊണ്ടും ഏറെ ശ്രദ്ധ നേടിയിരുന്നു.

ചിത്രത്തില്‍ സണ്ണി ലിയോണ്‍ അവതരിപ്പിച്ച കഥാപാത്രത്തെ അവതരിപ്പിക്കുന്നതു രമ്യാ നമ്പീശനാണെന്നു റിപ്പോര്‍ട്ടുകള്‍. ചിത്രം തമിഴിലേയ്ക്കും തെലുങ്കിലേയ്ക്കുമാണു റിമേയ്ക്ക് ചെയ്യുന്നത്. 2011ല്‍ ബോളിവുഡില്‍ പുറത്തിറങ്ങിയ രാഗിണി എംഎംഎസ് എന്ന ചിത്രത്തിന്റെ രണ്ടാം ഭാഗമാണു 2014 ല്‍ പുറത്തിറങ്ങിയത്.

ഹൊറര്‍ ത്രില്ലറായ ചിത്രം സംവിധാനം ചെയ്തത് ബുഷാന്‍ പട്ടേലാണ്. അഭിനയിക്കുന്നതു കൂടാതെ ചിത്രത്തില്‍ രണ്ടു ഗാനങ്ങളും രമ്യാ നമ്പീശന്‍ ആലപിക്കുന്നുണ്ട്. 2 രാത്രി എന്ന പേരിലാണു ചിത്രം തെലുങ്കില്‍ എത്തുന്നത്.