നയന്‍താരയും ഇളയദളപതി വിജയും വീണ്ടും ഒന്നിക്കുന്നു. വിജയുടെ 62ാം ചിത്രത്തിലാണ് നയന്‍താര നായികയായെത്തുന്നത്. അറ്റ്‌ലിയാണ് ചിത്രം സംവിധാനം ചെയ്യുന്നത്. കലൈപുലി എസ് താണുവാണ് നിര്‍മ്മാണം. ആദ്യം കാജല്‍ അഗര്‍വാളിനെയാണ് ചിത്രത്തിനായി പരിഗണിച്ചിരുന്നത്. എന്നാല്‍ ഒടുവില്‍ നയന്‍സിനെ തേടി ഭാഗ്യം എത്തുകയായിരുന്നു.

ഷങ്കറിന്റെ സഹസംവിധായകനായിരുന്ന ആറ്റ്‌ലി ഒരുക്കുന്ന മൂന്നാമത്തെ ചിത്രമാണിത്. തെരിയാണ് വിജയ്‌യും ആറ്റ്‌ലിയും മുമ്പ് ഒന്നിച്ച ചിത്രം.ആറ്റ്‌ലിയുടെ ആദ്യ ചിത്രം രാജാറാണിയില്‍ നയന്‍താരയായിരുന്നു നായിക. വിജയ്‌യുടെ 60ാം ചിത്രം ഭൈരവ ജനുവരി 14ന് റിലീസ് ചെയ്യും.

മലയാളി താരം കീര്‍ത്തി സുരേഷാണ് ഈ ചിത്രത്തിലെ നായിക. കാര്‍ത്തിയോടൊപ്പം അഭിനയിച്ച കാഷ്‌മോരയാണ് നയന്‍സിന്റെ റിലീസിനൊരുങ്ങുന്ന ചിത്രം.