വിശാലിന്റെ നായികയായി കീര്‍ത്തി സുരേഷ്
സൂര്യ, വിജയ് തുടങ്ങി സൂപ്പര്‍താരങ്ങളുടെ ചിത്രങ്ങള്‍ക്ക് പിന്നാലെ കീര്‍ത്തി സുരേഷ് വിശാലിന്റെ നായികയായി അഭിനയിക്കുമെന്ന് റിപ്പോര്‍ട്ടുകള്‍. ലിങ്കുസ്വാമി സംവിധാനം ചെയ്യുന്ന സണ്ടക്കോഴി 2വിലാണ് കീര്‍ത്തി വിശാലിനൊപ്പം അഭിനയിക്കുക.
മറ്റൊരു മലയാളി താരമായ മഞ്ജിമാ മോഹന്‍ അടക്കമുള്ളവരുടെ പേരുകള്‍ ഈ ചിത്രത്തിനായി പരിഗണിക്കുന്നതായി വാര്‍ത്തകള്‍ വന്നിരുന്നു. എന്നാല്‍ കീര്‍ത്തിക്കാണ് നറുക്കു വീണിരിക്കുന്നതത്രേ. സണ്ടക്കോഴിയുടെ ആദ്യ ഭാഗത്തില്‍ മീരാ ജാസ്മിനായിരുന്നു നായിക. ചിത്രം സൂപ്പര്‍ഹിറ്റാവുകയും ചെയ്തു.
കൊമ്പന്‍ മുത്തയ്യ സംവിധാനം ചെയ്യുന്ന സൂര്യ ചിത്രം താനേ സേര്‍ത്ത കൂട്ടത്തില്‍ കീര്‍ത്തി നംവബറില്‍ അഭിനയിച്ചു തുടങ്ങും. അതിനു ശേഷം ചെന്നൈയില്‍ സണ്ടക്കോഴി 2വിന്റെ ആദ്യ ഷെഡ്യൂളില്‍ അഭിനയിക്കും. കീര്‍ത്തി വിജയ്‌യോടൊപ്പം അഭിനയിച്ച ഭൈരവ ജനുവരിയില്‍ റിലീസ് ചെയ്യും. വിജയ്‌യുടെ 60ആം ചിത്രം എന്ന പ്രത്യേകതയുമായാണ് ഭൈരവ എത്തുന്നത്.
കീര്‍ത്തി ശിവകാര്‍ത്തികേയനോടൊപ്പം അഭിനയിച്ച റെമോ പ്രദര്‍ശനം തുടരുകയാണ്.
https://www.facebook.com/Malayalivartha
