അഭിരാമിയെ വിവാഹം കഴിക്കാന്‍ ഉലകനായകന്‍ കമല്‍ഹാസന്‍ തയ്യാറെടുക്കുന്നുവെന്ന് തമിഴ് മാധ്യമങ്ങള്‍. അഭിരാമിയുമായുള്ള അടുപ്പമാണ് ഗൗതമിയുമായുള്ള പതിമൂന്ന് വര്‍ഷ വര്‍ഷത്തെ ഒരുമിച്ചുള്ള ജീവിതം കമല്‍ഹാസല്‍ അവസാനിപ്പിച്ചതെന്ന് സൂചന.
കമലും അഭിരാമിയും വൈകാതെ വിവാഹിതരാകുമെന്നാണ് തമിഴ് മാദ്ധ്യമങ്ങള്‍ റിപ്പോര്‍ട്ട് ചെയ്യുന്നത്.
എന്നാല്‍ ഈ വാര്‍ത്തകളോട് ഇതുവരെ കമലോ അഭിരാമയോ പ്രതികരിച്ചിട്ടില്ല. വാര്‍ത്ത ശുദ്ധ അസംബന്ധ മാണെന്നാണ് കമലിന്റെ അടുത്ത സുഹൃത്തുക്കള്‍ പറയുന്നത്. എന്നാല്‍ വിവാഹിതയായ അഭിരാമി വിവാഹബന്ധം ഉപേക്ഷിക്കാന്‍ തയ്യാറല്ലന്നാണ് റിപ്പോര്‍ട്ട്. 
വിവാഹത്തില്‍ വിശ്വസിക്കാത്ത കമലിന്റെ മൂന്നാമത്തെ ജീവിത പങ്കാളിയായിരുന്ന ഗൗതമി. ആദ്യം നര്‍ത്തകി വാണി ഗണപതിയുമായി ഒന്നിച്ചെങ്കിലും പത്തു വര്‍ഷത്തെ ജീവിതത്തിന് ശേഷം ഇരുവരും വേര്‍പിരിഞ്ഞു. പിന്നീട് നടി സരിഗയായിരുന്നു കമലിന്റെ പങ്കാളി. ശ്രുതിയും അക്ഷരയും ഇവരുടെ മക്കളാണ്. 2003ലാണ് ഗൗതമിയുമൊത്ത് കമല്‍ ജീവിതം തുടങ്ങിയത്.
2009 ലാണ് അഭിരാമിയും രാഹുല്‍ പവനനും തമ്മിലുള്ള വിവാഹം നടന്നത്. വിവാഹ ശേഷം സിനിമയില്‍ നിന്ന് വിട്ടുനില്‍ക്കുകയായിരുന്ന അഭിരാമി ഇപ്പോള്‍ സിനിമയില്‍ സജീവമാകാനൊരുങ്ങുകയയാണ്. താന്‍ വീണ്ടും അഭിനയിക്കാന്‍ തുടങ്ങിയതിന്റെ കാരണക്കാരന്‍ സാക്ഷാല്‍ ഉലകനായകന്‍ കമല്‍ഹാസനാണെന്ന് അഭിരാമി വ്യക്തമാക്കിയിരുന്നു.
കമല്‍ സാറുമായി നല്ലൊരു സൗഹൃദമുണ്ടായതുകൊണ്ട് 'വിശ്വരൂപ'ത്തിന്റെ ഒന്നാംഭാഗത്തില്‍ ഞാനാണ് ഡബ്ബ് ചെയ്തത്. വിശ്വരൂപത്തിന്റെ രണ്ടാംഭാഗത്തിലും ഡബ്ബ് ചെയ്യാന്‍ കമല്‍സാറ് എന്നെ വിളിച്ചു. യഥാര്‍ത്ഥത്തില്‍ വിശ്വരൂപത്തിന്റെ രണ്ടാംഭാഗമാണ് സിനിമയില്‍ അഭിനയിക്കണമെന്ന മോഹം മനസിലുണ്ടാക്കിയത്െന്നും അഭിരാമി പറഞ്ഞിരുന്നു.
കമല്‍ഹാസനൊപ്പം അഭിരാമി അഭിനയിച്ച വീരുമാണ്ടിയിലെ ചൂടന്‍ രംഗങ്ങള്‍ ഏറെ ചര്‍ച്ചയായിരുന്നു. 2004ലാണ് വീരുമാണ്ടി ഇറങ്ങിയത്. കമലും അഭിരാമിയും ആദ്യമായി ഒന്നിച്ചതും ഈ ചിത്രത്തില്‍ തന്നെയായിരുന്നു.
അന്നുമുതല്‍ ഇരുവരും ഗോസിപ്പ് കോളങ്ങളുടെ സജീവ ചര്‍ച്ചയായിരുന്നു. എന്നാല്‍, വിവാഹശേഷം അഭിരാമി സിനിമയില്‍ നിന്ന് വിട്ടുനിന്നു. പിന്നീട് ഏറെക്കാലത്തിനു ശേഷം തിരിച്ചെത്തിയത് അപ്പോത്തിക്കിരി എന്ന മലയാളം ചിത്രത്തിലായിരുന്നു. അടുത്ത വര്‍ഷം ചിത്രീകരണം ആരംഭിക്കുന്ന കമല്‍ ചിത്രത്തില്‍ നായിക അഭിരാമിയാണെന്നാണ് ആദ്യ സൂചനകള്‍.