തനിക്ക് കടുത്ത പ്രണയം തോന്നിയിട്ടുള്ള വ്യക്തിയാണ് വിശാല്‍. വ്യക്തി എന്ന നിലയിലും നടന്‍ എന്ന നിലയിലും വളരെ മികച്ച ആളാണ് വിശാലെന്നും ചെയ്യുന്ന തൊഴിലി നോടുള്ള അദ്ദേഹത്തിന്റെ ആത്മാര്‍ത്ഥത കണ്ട് തനിക്ക് പ്രണയം തോന്നിയെന്നുമാണ് തമന്ന പറഞ്ഞത്. തമിഴ് താരസംഘടനയായ നടികര്‍ സംഘത്തിന്റെ ഉന്നതിക്കു വേണ്ടിയും ചെന്നൈയില്‍ ദുരന്തങ്ങള്‍ സംഭവിച്ചപ്പോഴും വ്യാജ സി.ഡിക്കെതിരെ യുമൊക്കെ വിശാല്‍ കാഴ്ചവച്ച പ്രവര്‍ത്തനങ്ങള്‍അഭിനന്ദനാര്‍ഹമാണെന്നാണ് തമന്നയുടെ വാദം.
വിശാലും തമന്നയും കേന്ദ്രകഥാപാത്രങ്ങളെ അവതരിപ്പിക്കുന്ന ഒക്കഡചാടു എന്ന തെലുങ്ക് ചിത്രത്തിന്റെ പ്രമോഷന്റെ ഭാഗമായി നടത്തിയ അഭിമുഖത്തിനിടെയാണ് നടി മനസ് തുറന്നത്.
എന്തായാലും താരത്തിന്റെ അഭിപ്രായത്തിന് ഉടന്‍ തന്നെ നായകന്റെ മറുപടി എത്തി. അഭിനയത്തോട് തമന്ന കാണിക്കുന്ന ആത്മാര്‍ത്ഥത കണ്ട് വളരെയധികം ഇഷ്ടം തോന്നി. അത് പ്രണയമായി വളര്‍ന്നിട്ടില്ല. തമന്നയെ കെയര്‍ ചെയ്യാന്‍ തോന്നിയെന്നും വിശാല്‍ മറുപടി നല്‍കി.
ഒക്കഡചാടൂ, കത്തിസണ്ടൈ ന്ന പേരില്‍ തമിഴിലും റിലീസ് ചെയ്യുന്നുണ്ട്. സുരാജ് സംവിധാനം ചെയ്യുന്ന ചിത്രത്തില്‍ ജഗപതി ബാബു, വടിവേലു, സൂരി തുടങ്ങിയവരാണ് മറ്റ് പ്രധാന താരങ്ങള്‍.
വര്‍ഷങ്ങളായി വിശാലുമായി ഉണ്ടായിരുന്നു പ്രണയ വഴിപിരിഞ്ഞ വിവരം കുറച്ചു നാളുമുമ്പ് വരലക്ഷ്മി ട്വിറ്റില്‍ കുറിച്ചിരുന്നു.