2016 സെപ്റ്റംബറിലാണ് വിവാഹ മോചനം ആവശ്യപ്പെട്ട് ചെന്നൈ കുടുംബ കോടതിയില്‍ സൗന്ദര്യ ഹര്‍ജി നല്‍കിയത്. വെള്ളിയാഴ്ച കോടതി ഹര്‍ജി വീണ്ടും പരിഗണിച്ചപ്പോള്‍ പിരിയാന്‍ ഒരുക്കമാണെന്ന് അശ്വിന്‍ രാംകുമാറും അറിയിച്ചു.

ട്വിറ്ററിലൂടെയാണ് സൗന്ദര്യ വിവാഹ മോചനത്തെക്കുറിച്ച് വെളിപ്പെടുത്തിയിട്ടുള്ളത്.

ചെന്നൈയിലെ വ്യവസായിയായ അശ്വിന്‍ രാംകുമാറും സൗന്ദര്യയും വിവാഹിതരായിട്ട് ആറു വര്‍ഷമായി. നാലു വര്‍ഷത്തെ പ്രണയത്തിനൊടുവിലാണ് ഇരുവരും വിവാഹിതരായത്. ഇവര്‍ക്ക് ഒരു വയസ്സുള്ള മകനുണ്ട്.

ഏറെനാളായി ഇരുവരം അകന്നു കഴിയുകയായിരുന്നു. ശസ്ത്രക്രിയ കഴിഞ്ഞ് മടങ്ങിയെത്തിയ രജനീകാന്ത് ഇവര്‍ക്കൊപ്പം താമസിച്ച് അനുരഞ്ജനത്തിന് ശ്രമിച്ചെങ്കിലും അതൊന്നും വിലപ്പോയില്ല.