ജെല്ലിക്കെട്ടിനെ പിന്തുണച്ച് ഫെയ്‌സ്ബുക്കില്‍ വീഡിയോ പോസ്റ്റ് ചെയ്ത നടി കീര്‍ത്തി സുരേഷിന് ഫെയ്‌സ്ബുക്കില്‍ പൊങ്കാല. ജസ്റ്റിസ് ഫോര്‍ ജല്ലിക്കെട്ട് എന്ന ഹാഷ്ടാഗിലാണ് കീര്‍ത്തി വീഡിയോ പോസ്റ്റ് ചെയ്തത്. ജെല്ലിക്കെട്ടിനായി സമരം ചെയ്യുന്ന എല്ലാവര്‍ക്കും ഐക്യദാര്‍ഢ്യം പ്രഖ്യാപിക്കുന്നതാണ് വീഡിയോ.

ജല്ലിക്കെട്ടിനെ പിന്തുണച്ച കീര്‍ത്തി കേരളത്തിന്റെ ശാപമാണെന്നാണ് ചിലരുടെ വാദം. കോടികള്‍ കിട്ടും എന്നായപ്പോള്‍ കീര്‍ത്തി പെറ്റനാടിനെ ഒറ്റുകൊടുക്കുകയാണെന്നും പോസ്റ്റില്‍ കമന്റിട്ടവര്‍ ആരോപിക്കുന്നു. ഒരുനാള്‍ അവര്‍ എടുത്ത് പുറത്തു കളയും അപ്പോള്‍ ഇങ്ങോട്ടു തന്നെ വരുമെന്നും വിമര്‍ശകര്‍ ഓര്‍മ്മിപ്പിക്കുന്നു. ജെല്ലിക്കെട്ടിനെ നമ്മ തമിഴര്‍കളുടെ വിളയാട്ട് എന്ന് പരാമര്‍ശിച്ച കീര്‍ത്തിയോട് എപ്പോഴാണ് തമിഴ്‌നാട്ടുകാരി ആയതെന്നും വിമര്‍ശകര്‍ ചോദിക്കുന്നു.

എന്നാല്‍ തമിഴ് സിനിമയില്‍ ഒന്നു പച്ചപിടിച്ചു വരുന്ന സമയത്ത് തമിഴ്‌നാട്ടുകാരുടെ വികാരം അനുസരിച്ച് പ്രതികരിച്ചതില്‍ തെറ്റ് പറയുന്നില്ലെന്ന് കീര്‍ത്തിയെ പിന്തുണയ്ക്കുന്നവര്‍ പറയുന്നു. ഒരുനാള്‍ അവര്‍ എടുത്ത് പുറത്തു കളയും അപ്പോള്‍ ഇങ്ങോട്ടു തന്നെ വരുമെന്നും വിമര്‍ശകര്‍ ഓര്‍മ്മിപ്പിക്കുന്നു.