സിനിമയിലെ മദ്യപിച്ച് അഭിനയിക്കുന്ന സീനുകളില്‍ പലപ്പോഴും മദ്യത്തിന് പകരം ജ്യുസോ ശീതളപാനീയമോ ഉപയോഗിക്കുകയാണ് പതിവ്. എന്നാല്‍ ഇതിന്റെ പെര്‍ഫെക്ഷനു വേണ്ടി ചില താരങ്ങള്‍ ഒറിജിനല്‍ മദ്യം കഴിക്കാറുണ്ട്. അതുപോലൊരു സംഭവമാണ് ബോഗന്‍ എന്ന തമിഴ് ചിത്രത്തിന്റെ സെറ്റില്‍ നടന്നത്. ഹന്‍സികയുടെ ഒരു രംഗമാണ് ചിത്രീകരിക്കണം. അണിയറ പ്രവര്‍ത്തകര്‍ നോക്കിയപ്പോള്‍ മദ്യപിച്ച് ലൊക്കേഷനിലെത്തിയ ഹന്‍സികയെ. എല്ലാവരും ഒന്ന് ഞെട്ടി. ഷൂട്ടിങ് മുടങ്ങുമെന്ന നിലയിലേക്കായി കാര്യങ്ങള്‍. യൂണിറ്റ് അംഗങ്ങളെല്ലാം ആകെ സങ്കടത്തിലായി. എന്നാല്‍ സത്യത്തില്‍ ചിത്രത്തിലെ രംഗം മികച്ചതാക്കാന്‍ സെറ്റില്‍ മദ്യപിച്ചതായി അഭിനയിക്കുകയായിരുന്നു.

മദ്യപിച്ച് ലക്കുകെടുന്ന ഒരു രംഗമാണ് ചിത്രീകരിക്കേണ്ടിയിരുന്നത്. എന്നാല്‍ ഷൂട്ടിങിനായി തയ്യാറെടുത്തപ്പോള്‍ താരത്തിന് പേടി. ജീവിതത്തിലൊരിക്കലും മദ്യം കഴിച്ചിട്ടില്ലെന്നും അതിനാല്‍ ആ രംഗത്തില്‍ ഒരുപാട് പേടിച്ചാണ് ഹന്‍സിക അഭിനയിച്ചതെന്നും ഹന്‍സിക പറഞ്ഞു. മാത്രമല്ല ഇതിനായി ഒരുപാട് കഷ്ടപ്പെട്ടെന്നും പത്തുദിവസം കൊണ്ടാണ് അത് ചിത്രീകരിച്ചതെന്നും ഹന്‍സിക. 

സീന്‍ ചിത്രീകരിച്ച് കഴിഞ്ഞപ്പോള്‍ ജയം രവി മുതല്‍ സിനിമയിലെ ലൈറ്റ്മാനോട് പോലും രംഗം നന്നായോ എന്ന് ചോദിച്ച് നടക്കുകയായിരുന്നു ഹന്‍സിക. ഇതുപോലെയാണോ മദ്യപാനികള്‍ കാണിച്ചുകൂട്ടുന്നതെന്നായിരുന്നു ഹന്‍സികയുടെ സംശയം. സിനിമയുടെ നിര്‍മാതാവ് കൂടിയായ പ്രഭുദേവ ഹന്‍സികയെ ചിത്രം കണ്ടതിന് ശേഷം ഫോണ്‍വിളിച്ച് അഭിനന്ദിക്കുകയായിരുന്നു.

വളരെ ഭംഗിയായി ഹന്‍സിക ആ രംഗത്തില്‍ അഭിനയിച്ചെന്നും ഹന്‍സിക തന്നെയാണെന്ന് വിശ്വസിക്കാനായില്ലെന്നും പ്രഭുദേവ പറഞ്ഞു. അപ്പോഴാണ് നടിയ്ക്ക് സമാധാനമായത്. അരവിന്ദ് സ്വാമിയും ജയം രവിയും നായകന്മാരായി എത്തിയ ചിത്രം തിയറ്ററുകളില്‍ മികച്ച പ്രതികരണം നേടുന്നുണ്ട്