സംവിധായകന്‍ എഎല്‍ വിജയ്യുമായുള്ള വിവാഹമോചനത്തിന് ശേഷം തമിഴില്‍ വീണ്ടും സജീവമാകാനുള്ള തയാറെടുപ്പിലാണ് അമല പോള്‍. എന്നാല്‍ വിവാഹമോചനത്തിന് ശേഷമുള്ള അമലയുടെ വ്യക്തിജീവിതത്തില്‍ താരത്തിന് നിരവധി വിമര്‍ശനങ്ങളും ഏറ്റുവാങ്ങേണ്ടി വരുന്നുണ്ട്.  വിവാഹമോചനശേഷവും പാര്‍ട്ടിയും ആഘോഷവും സിനിമയുമൊക്കെയായി അമല മുന്നോട്ട് പോയപ്പോഴും മുന്‍ഭര്‍ത്താവ് എല്‍ വിജയ് ഗ്ലാമര്‍ലോകത്തുനിന്നും അകലം പാലിച്ചു. മാധ്യമങ്ങളില്‍ ഒരു അഭിമുഖത്തിന് പോലും മുന്നോട്ട് വന്നില്ല. അമലയാകട്ടെ ഇപ്പോഴും വിജയ്യെ ഏറെ സ്‌നേഹിക്കുന്നുണ്ടെന്നും വിവാഹം ശരിയായ പ്രായത്തില്‍ നടക്കാത്തതാണ് ഇത്രയും പ്രശ്‌നങ്ങള്‍ക്ക് കാരണമായതെന്നും അഭിമുഖങ്ങള്‍ നല്‍കി വ്യക്തമാക്കുകയും ചെയ്തു.

ഇതിനിടെ അമലയുടെ വസ്ത്രധാരണത്തെ വിമര്‍ശിച്ചും മറ്റും സോഷ്യല്‍മീഡിയയില്‍ പോസ്റ്റുകള്‍ സജീവമാണ്. പല വിമര്‍ശനങ്ങള്‍ക്കും അമല തന്നെ ചുട്ടമറുപടിയുമായി രംഗത്തെത്തുകയും ചെയ്തു. ഇപ്പോഴിതാ അമല പോസ്റ്റ് ചെയ്ത ഒരു ചിത്രമാണ് സോഷ്യല്‍മീഡിയയിലെ പുതിയ ചര്‍ച്ചാവിഷയം. യുവാവിനൊപ്പം നില്‍ക്കുന്നൊരു ചിത്രമാണ് അമല ഇന്‍സ്റ്റാഗ്രാമില്‍ പോസ്റ്റ് ചെയ്തത്. തോളോട് തോള്‍ ചേര്‍ന്ന് നില്‍ക്കുന്ന ഈ യുവാവ് ആരെന്നായിരുന്നു വിമര്‍ശകരുടെ സംശയം. നിരവധി ആളുകള്‍ അമല പോളിനെതിരെ രംഗത്തെത്തുകയും ചെയ്തു. അമലയുടെ പുതിയ കാമുകനാണെന്നായിരുന്നു ചിലരുടെ കണ്ടെത്തല്‍.

എന്നാല്‍ ഇത് അമലയുടെ ഏറ്റവും അടുത്ത സുഹൃത്തായ അജിത് നായരാണ്. അമല തന്നെയാണ് ഇക്കാര്യം മാധ്യമങ്ങളോട് വ്യക്തമാക്കിയത്. പഴയസുഹൃത്തുക്കളെ കാണാന്‍ അമല കേരളത്തിലെത്തിയപ്പോള്‍ എടുത്ത ചിത്രമായിരുന്നു ഇത്. മാത്രമല്ല അജിത്തിന്റെ വിവാഹം ഈയിടെ കഴിഞ്ഞിരുന്നു. അജിത്തിന് വിവാഹാശംസകള്‍ നേര്‍ന്ന് അമല പോള്‍ ഫെയ്‌സ്ബുക്കില്‍ വിവാഹഫോട്ടോ പങ്കുവക്കുകയും ചെയ്തു.