റേഡിയോ ജോക്കിയും ഗായികയുമായ സുചിത്ര കാര്‍ത്തികിന്റെ ട്വിറ്റര്‍ അക്കൗണ്ട് കോളിവുഡിന് തന്നെ തലവേദനയായി മാറിയിരിക്കുകയാണ്. ധനുഷും അമലാ പോളും, ധനുഷും പാര്‍വതി നായരും, അതുപോലെ ചിന്മയിയും അനിരുദ്ധും തമ്മിലുള്ള അരുതാത്ത ബന്ധത്തിന്റെ തെളിവുകളും മറ്റും പുറത്തുവിടും എന്നാണ് ഈ ട്വിറ്റര്‍ അക്കൗണ്ടില്‍ വെല്ലുവിളി നടക്കുന്നത്. ധനുഷ്, ആന്‍ഡ്രിയ, തൃഷ, അനിരുദ്ധ് തുടങ്ങിയവരുടെ സ്വകാര്യ ചിത്രങ്ങള്‍ കഴിഞ്ഞ ദിവസം സുചിത്രയുടെ അക്കൗണ്ടിലൂടെ പുറത്തായിരുന്നു. പിന്നീടുള്ള ട്വീറ്റുകളില്‍ പാര്‍വ്വതി നായര്‍, അമലാ പോള്‍ തുടങ്ങിയ സെലിബ്രിറ്റി നടിമാരുടെ പേരുകളും സുചിത്ര പറഞ്ഞിട്ടുണ്ട്. പാര്‍വതി നായര്‍ ഇതിനെതിരെ ശക്തമായി പ്രതികരിക്കുകയും ചെയ്തു. ഇതിനു പിന്നാലെ ധനുഷിനും അമല പോളിനും എതിരെ ഗുരുതര ആരോപണവുമായി സുചിത്ര രംഗത്തെറിക്കുകയാണ്.

ധനുഷും നടി അമല പോളും തമ്മില്‍ വഴിവിട്ട ബന്ധമെന്ന് ഗായിക സുചിത്ര കാര്‍ത്തിക്. അമല പോളും ധനുഷും തമ്മിലുള്ള ചിത്രങ്ങള്‍ പുറത്ത് വിടുമെന്ന് സുചിത്ര ട്വീറ്റ് ചെയ്തു. സംവിധായകന്‍ എ.എല്‍ വിജയിയുമായുള്ള അമലയുടെ വിവാഹബന്ധം തകരാന്‍ കാരണം ധനുഷാണെന്ന് റിപ്പോര്‍ട്ടുകളുണ്ടായിരുന്നു. ഇതിന് പിന്നാലെയാണ് സുചിത്രയുടെ ആരോപണം.

ധനുഷും അനിരുദ്ധും തന്നെ മയക്കുമരുന്ന് നല്‍കി തന്നെ ബലാത്സംഗം ചെയ്തുവെന്ന് കാര്‍ത്തിക ആരോപിച്ചിരുന്നു. ഇതിന് പിന്നാലെയാണ് അമലയും ധനുഷും തമ്മില്‍ വിവാഹേതരബന്ധമുണ്ടെന്ന് ആരോപിച്ച് സുചിത്ര രംഗത്ത് വന്നത്. കഴിഞ്ഞ ദിവസം ധനുഷ്-തൃഷ, അനിരുദ്ധ്-ആന്‍ഡ്രിയ എന്നിവരുടെ സ്വകാര്യ ചിത്രങ്ങള്‍ സുചിത്ര പുറത്ത് വിട്ടിരുന്നു.

ചിത്രങ്ങള്‍ പുറത്ത് വിട്ടതിന് പിന്നാലെ തന്റെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടതായി സുചിത്ര പറഞ്ഞിരുന്നു. അതേസമയം സുചിത്രയ്‌ക്കെതിരെ തമിഴ് സിനിമാ ലോകത്ത് പ്രതിഷേധം ശക്തമായിരിക്കുകയാണ്. വ്യക്തികളെ അപമാനിച്ച് പ്രശസ്തി നേടുകയാണ് സുചിത്രയുടെ ലക്ഷ്യമെന്ന് താരങ്ങള്‍ കുറ്റപ്പെടുത്തിയിട്ടുമുണ്ട്.