തമിഴ് സിനിമാലോകം ഒന്നടങ്കം ഉറ്റുനോക്കുന്ന പ്രണയിതാക്കളാണ് ജയ് യും അഞ്ജലിയും. എങ്കേയും എപ്പോതും എന്ന ചിത്രത്തിലൂടെയാണ് ഈ താരജോഡികള്‍ പ്രേക്ഷകര്‍ക്ക് പ്രിയപ്പെട്ടവരായി മാറിയത്.

ഇരുവരും തമ്മിലുള്ള സ്‌ക്രീന്‍ പെര്‍ഫോമന്‍സും കെമിസ്ട്രിയും കണ്ടപ്പോഴേ പ്രേക്ഷകര്‍ ഇരുവരും തമ്മില്‍ പ്രണയത്തിലാണെന്ന് വിധിയെഴുതിയിരുന്നു. പാപ്പരാസികളാണ് ജയ് അഞ്ജലി ബന്ധത്തെക്കുറിച്ച് പുറം ലോകത്തെ അറിയിച്ചത്. തുടക്കത്തില്‍ വാര്‍ത്ത നിഷേധിക്കുകയും ഇനി ജയ് യുമായി ഒരുമിച്ച് അഭിനയിക്കില്ലെന്നും അഞ്ജലി വ്യക്തമാക്കിയിരുന്നു. 

എന്നാല്‍ പിന്നീട് താരം തന്നെ ആ തീരുമാനം മാറ്റുകയായിരുന്നു. ഇരുവരും ഒരുമിച്ചഭിനയിക്കുന്ന ബലൂണ്‍ എന്ന ചിത്രത്തിന്റെ ഷൂട്ടിങ്ങ് കൊഡൈക്കനാലില്‍ പുരോഗമിച്ച് വരികയാണ്. പതിവു പോലെ ഷൂട്ടിങ്ങ് സെറ്റിലെത്തിയ ജയ് ഷൂട്ടിങ്ങില്‍ ശ്രദ്ധ കേന്ദ്രീകരിക്കുകയും ചെയ്തു. കൊഡൈക്കനാലിലാണ് ബലൂണിന്റെ ഷൂട്ടിങ്ങ് നടക്കുന്നത്. ഷോട്ടിനിടയിലാണ് അപ്രതീക്ഷിതമായി പിറന്നാളാഘോഷം നടത്തിയത്. ജയ് യ്ക്ക് കേക്ക് നല്‍കുന്ന അഞ്ജലിയുടെ ചിത്രം സമൂഹ മാധ്യമങ്ങളില്‍ വൈറലാണ്.

പ്രണയതീവ്രതയുമായെത്തിയ എങ്കേയും എപ്പോതുമിലൂടെയാണ് ജയ് അഞ്ജലി കൂട്ടുകെട്ടിനെ തമിഴകം സ്വീകരിച്ചത്. അങ്ങാടിത്തെരുവിലൂടെ അഭിനയരംഗത്തെത്തിയ താരമാണ് അഞ്ജലി. ഒരുമിച്ച് അഭിനയിച്ചപ്പോള്‍ മുതല്‍ ഇരുവരും തമ്മില്‍ നല്ല സൗഹൃദത്തിലായിരുന്നു.

ഷൂട്ട് നടന്നു കൊണ്ടിരിക്കുന്നതിനിടയിലാണ് ഹെലിക്യാമില്‍ സെറ്റ് ചെയ്ത കേക്ക് ജയ് യുടെ മുന്നിലെത്തിയത്. ക്യാമറയോടൊപ്പം കേക്ക് കണ്ട താരത്തിന്റെ ഭാവഭേദങ്ങള്‍ സെറ്റിലുള്ളവര്‍ ക്യാമറയില്‍ പകര്‍ത്തുകയും ചെയ്തു. 

പിറന്നാളാഘോഷത്തിനിടയില്‍ ജയ്ക്ക് കേക്ക് നല്‍കുന്ന അഞ്ജലിയുടെ ഫോട്ടോ ഇതിനോടകം തന്നെ സമൂഹ മാധ്യമങ്ങളിലൂടെ വൈറലായിക്കഴിഞ്ഞു.