സ്റ്റയില്‍ മന്നന്‍ രജനീകാന്ത് അഭിനയ രംഗത്തേക്ക് കടന്നു വന്നത് ഭാരതിരാജയുടെ പതിനാറ് വയതിനിലൂടെയാണ്. എനിക്ക് ഭാരതിരാജയെ വലിയ ഇഷ്ടമാണ്, അദ്ദേഹത്തിന് തിരിച്ചും. എന്നാല്‍ പഴയ ഒരു അഭിമുഖത്തില്‍ അദ്ദേഹം എന്നെക്കുറിച്ച് പറഞ്ഞത് താന്‍ നല്ലൊരു മനുഷനാണെന്നാണ്. എങ്കിലും അദ്ദേഹം തന്നെ ഒരു നല്ല അഭിനേതാവായി അംഗീകരിച്ചിട്ടില്ലെന്ന് സൂപ്പര്‍താരം രജനീകാന്ത് പറഞ്ഞു. എങ്ങിനെയാണ് ഒരു നടനെ ജനങ്ങള്‍ സ്വീകരിക്കുന്നതെന്ന് ഞാന്‍ ചിന്തിക്കാറുണ്ട്. ഫിലിം സ്‌കൂളില്‍ എന്നതിനെക്കാള്‍ ബാലചന്ദറിന്റെ സെറ്റുകളില്‍ നിന്നുമാണ് സിനിമയെക്കുറിച്ച് പഠിച്ചതെന്നും താരം പറഞ്ഞു. 

ഭാരതിരാജയുടെ ഭാരതിരാജ ഇന്റര്‍നാഷണല്‍ ഇന്‍സ്റ്റിറ്റിയൂട്ട് ഓഫ് സിനിമ എന്ന സ്ഥാപനത്തിന്റെ ഉദ്ഘാടന വേളയിലാണ് അദ്ദേഹം മാധ്യമപ്രവര്‍ത്തകരോട് മനസ് തുറന്നത്. രജനീകാന്ത് വളരെ സിമ്പിളായ മനുഷ്യനാണെന്നാണ് ഭാരതിരാജ പറഞ്ഞത്. രണ്ട് കാര്യങ്ങള്‍ക്ക് വേണ്ടി മാത്രമാണ് അദ്ദേഹം എന്റെ സമയം ആവശ്യപ്പെട്ടത്. ഒന്ന് 16 വയതിനിലെയുടെ കോള്‍ ഷീറ്റിന് വേണ്ടിയും രണ്ടാമത് ഈ ചടങ്ങിനും രജനീകാന്ത് പറഞ്ഞു.