മൂന്ന് വര്‍ഷത്തോളം പ്രണയിച്ച ശേഷമാണ് വിജയ്‍യും അമലയും വിവാഹിതരായത്. ക്രിസ്ത്യന്‍ മതാചാരപ്രാകാരമുള്ള വിവാഹ നിശ്ചയവും ഹിന്ദു മതാചാരപ്രകാരമുള്ള വിവാഹവും വളരെ ആര്‍ഭാടമായിത്തന്നെ നടന്നു. എന്നാല്‍ ആ ബന്ധത്തിന് ഒരു വര്‍ഷത്തില്‍ കൂടുതല്‍ ആയുസുണ്ടായിരുന്നില്ല. ഇരുപത്തഞ്ച് വയസ്സ് ആവുമ്പോഴേക്കും അമല പോളിന്റെ വിവാഹവും വിവാഹ മോചനവും സംഭവിച്ചു കഴിഞ്ഞിരുന്നു. സംവിധായകന്‍ എഎല്‍ വിജയ് യുമായി വിവാഹ ബന്ധം വേര്‍പെടുത്തിയ അമല പോളിന്റെ രണ്ടാം വിവാഹത്തെ കുറിച്ച് അന്ന് മുതലേ ചർച്ചയായിരുന്നു.

ഇപ്പോൾ താരത്തിന്റെ രണ്ടാം വിവാഹം ഉറപ്പിച്ചതായുള്ള വാർത്തകളണ് കോളിവുഡ് ഗോസിപ്പ് കോളങ്ങളിൽ നിറയുന്നത്. ഇനി ഒരു പരീക്ഷണം വേണ്ടെന്നു തോന്നിയിട്ടാകും രണ്ടാം വിവാഹത്തിന് തയ്യാറാകണമെങ്കിൽ ചില നിബന്ധനകളൊക്കെ അംഗീകരിക്കണമെന്ന വ്യവസ്ഥ മുന്നോട്ട് വച്ചിരിക്കയാണ്. തമിഴിലെ പ്രമുഖ നിര്‍മാതാവാണത്രെ വരന്‍. ഇരു വീട്ടുകാരും വിവാഹക്കാര്യം സംസാരിച്ചുറപ്പിച്ചു എന്നാണ് കേള്‍ക്കുന്നത്.

വിവാഹിതനും രണ്ട് കുട്ടകളുടെ അച്ഛനുമായ നിർമ്മാതാവുമായി അമല പോളിന്റെ വിവാഹം ഉറപ്പിച്ചു എന്നാണ് പുറത്തുവരുന്ന റിപോർട്ടുകൾ. വിവാഹിതനാണെങ്കിലും ഇദ്ദേഹത്തിന്റെ ഭാര്യ ഇപ്പോള്‍ കൂടെ ഇല്ല എന്നും തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നു. ഒരേ ഒരു കണ്ടീഷന്‍ മാത്രമേ ഈ വിവാഹത്തിനുള്ളു. വിവാഹ ശേഷം നിര്‍മാതാവിന്റെ മക്കള്‍ ഇവര്‍ക്കൊപ്പം തന്നെ ഉണ്ടാവും. അമല ഇത് അംഗീകരിക്കുകയും ചെയ്തത്രെ.

എന്നാൽ രണ്ടാം വിവാഹം ഗോസിപ്പ് കോളങ്ങളിൽ നിറഞ്ഞിട്ടും താരം ഈ വാർത്തയോട് പ്രതികരിച്ചിട്ടില്ല. അതെ സമയം അമല പോള്‍ നല്ല കുറേ സിനിമകളുമായി തിരക്കിലാണിപ്പോള്‍. തമിഴിലും മലയാളത്തിലും കന്നടയിലുമാണ് അമല ശ്രദ്ധിക്കുന്നത്. സിനിമകള്‍ തിരഞ്ഞെടുക്കുന്നതില്‍ വളരെ സെലക്ടീവായ അമലയുടെ ഏറ്റവും പുതിയ ചിത്രം വിഐപി ടു ആണ്.