ജീവിതത്തില്‍ ആരെയും വിശ്വസിക്കാന്‍ പറ്റാത്ത അവസ്ഥയിലാണ് താനെന്ന് നടി കാജല്‍ അഗര്‍വാള്‍. ഇതേ തുടര്‍ന്ന് മാനേജരെയും ഡ്രൈവറെയും മാറ്റി. മാനേജരായിരുന്ന റോണിയെ രണ്ടാഴ്ചയ്ക്ക് മുമ്പ് പൊലീസ് അറസ്റ്റ് ചെയ്തിരുന്നു. അതിന്റെ ഞെട്ടലില്‍ നിന്ന് ഇതുവരെ താരം മുക്തയായിട്ടില്ല. താനുള്‍പ്പെടെ പല നടിമാരുടെയും മാനേജരായിരുന്നു റോണി. എല്ലാവരും അയാളെക്കുറിച്ച് നല്ലത് മാത്രമേ പറഞ്ഞിട്ടുള്ളൂ. പക്ഷെ, ഇരട്ടമുഖമുള്ള ആളായിരുന്നെന്ന് ഇപ്പോഴെല്ലാവരും പറഞ്ഞു. കൂടെ ജോലിക്ക് നിര്‍ത്തുന്നവരെ കുറിച്ച് എല്ലാം അന്വേഷിക്കാന്‍ പലപ്പോഴും താരങ്ങള്‍ക്ക് കഴിയില്ല. വര്‍ഷങ്ങളായി ഇന്‍ഡസ്ട്രിയിലുള്ളവരെയാണ് താരങ്ങള്‍ ഒപ്പം നിര്‍ത്തുന്നതെന്നും കാജല്‍ അഗര്‍വാള്‍ പറഞ്ഞു. 

തന്റെ കാള്‍ഷീറ്റും പ്രതിഫലം ഉള്‍പ്പെടെയുള്ള കാര്യങ്ങള്‍ നോക്കിയിരുന്നത് റോണിയായിരുന്നെന്ന് കാജല്‍ പറഞ്ഞു. അയാളും താനും ഒറ്റയ്ക്കായിരുന്ന നിരവധി സന്ദര്‍ഭങ്ങള്‍ ഉണ്ടായിട്ടുണ്ട്. അന്നൊക്കെ അയാള്‍ മയക്ക്മരുന്ന് ഉപയോഗിച്ചിരുന്നോ എന്നറിയില്ല. അങ്ങനെയെങ്കില്‍ എന്നെ കയറിപ്പിടിക്കാതിരുന്നത് ഭാഗ്യം. അതൊക്കെ ആലോചിക്കുമ്പോള്‍ ഭയമാണ്. അതുകൊണ്ട് മാനേജരെയും ഡ്രൈവറെയും പറഞ്ഞ് വിട്ടു. ഇനി തന്റെ കാര്യങ്ങള്‍ വീട്ടുകാര്‍ നോക്കും. ചില ബന്ധുക്കളും ഒപ്പമുണ്ട്. അറിയാവുന്നവര്‍ അടുത്തുള്ളത് വലിയ ആശ്വാസമാണെന്ന് താരം പറയുന്നു. എന്നാല്‍ ബന്ധുക്കള്‍ തന്നെയാണ് പല നടിമാരെയും വെട്ടിലാക്കിയിട്ടുള്ളത്.

മാതാപിതാക്കളോ അടുത്ത ബന്ധുക്കളോ ആയതിനാല്‍ പലപ്പോഴും പണമിടപാടുകളിലും മറ്റും നടിമാര്‍ അമിത ശ്രദ്ധപുലര്‍ത്താറില്ല. മാത്രമല്ല നല്ല സിനിമകള്‍ ഇവര്‍ തെരഞ്ഞെടുക്കത്തുമില്ല. കൂടുതല്‍ പ്രതിഫലം കിട്ടുന്ന പ്രോജക്ടുകളുടെ അഡ്വാന്‍സ് വാങ്ങിക്കൂട്ടാനായിരിക്കും താല്‍പര്യം. തമിഴ്‌നടി അഞ്ജലി ഉള്‍പ്പെടെ ഇത്തരം പ്രശ്‌നങ്ങളില്‍ പെട്ടിട്ടുണ്ട്. ഡേറ്റ് നല്‍കുന്നതിനും മറ്റും ബന്ധുക്കള്‍ കമ്മീഷന്‍ കൈപ്പറ്റും. സിനിമയേക്കാള്‍ കൂടുതല്‍ സമയം ഉദ്ഘാടന ചടങ്ങിനും മറ്റും പങ്കെടുക്കുന്നതിനായിരിക്കും താല്‍പര്യം പ്രകടിപ്പിക്കുക. ഇതൊക്കെ നടിമാരുടെ കരിയറിനെ ബാധിക്കും.