ശങ്കര്‍രജനികാന്ത് ചിത്രം യെന്തിരന്‍ 2 (2.0) വില്‍ അക്ഷയ് കുമാര്‍ അവതരിപ്പിക്കുന്ന ഡോക്ടര്‍ റിച്ചാര്‍ഡ് വില്ലനല്ലെന്ന് സൂചന. ചിത്രത്തില്‍ അക്ഷയ് വില്ലനല്ലെന്ന് അണിയറ പ്രവര്‍ത്തകര്‍ വെളിപ്പെടുത്തിയതായി ഡെക്കാണ്‍ ക്രോണിക്കിള്‍ പത്രമാണ് റിപ്പോര്‍ട്ട് ചെയ്യുന്നത്.

അക്ഷയ് വില്ലനല്ല. അദ്ദേഹത്തിന്റെ കഥാപാത്രത്തിന്റെ രൂപം കണ്ട് പലരും തെറ്റിദ്ധരിച്ചിരിക്കുകയാണ്. ആ കഥാപാത്രത്തിന് ആദ്യം ഞങ്ങള്‍ കമല്‍ ഹാസനെയാണ് സമീപിച്ചത്, എന്നാല്‍ പിന്നീട് അക്ഷയിനെ പരിഗണിക്കുകയായിരുന്നു. 2.0 ല്‍ നായകനാകാന്‍ ശങ്കര്‍ ആമിര്‍ ഖാനെ സമീപിച്ചിരുന്നു. ഒരു സ്വകാര്യ ടെലിവിഷന്‍ ചാനലിന് നല്‍കിയ അഭിമുഖത്തില്‍ ആമിര്‍ തന്നെയാണ് അത് വെളിപ്പെടുത്തിയത്.

ആരോഗ്യ പ്രശ്‌നങ്ങള്‍ മൂലം രജനികാന്ത് 2.0 ല്‍ നിന്ന് വീട്ട് നില്‍ക്കാന്‍ ആഗ്രഹം പ്രകടിപ്പിക്കുകയും ചിത്രത്തില്‍ അഭിനയിക്കാന്‍ തന്നെ രജനി നിര്‍ബന്ധിക്കുകയും ചെയ്തുവെന്ന് ആമിര്‍ പറഞ്ഞു. 2010 ല്‍ പുറത്തിറങ്ങിയ സുപ്പര്‍ ഹിറ്റ് ചിത്രം യെന്തിരന്റെ രണ്ടാം ഭാഗമാണ് 2.0. അക്ഷയ് കുമാറാണ് ചിത്രത്തില്‍ വില്ലനായെത്തുന്നത്.

എമി ജാക്‌സനാണ് നായിക. മലയാളികളുടെ പ്രിയതാരം കലാഭവന്‍ ഷാജോണും ചിത്രത്തില്‍ ഒരു കഥാപാത്രത്തെ അവതരിപ്പിക്കുന്നുണ്ട്. ജനുവരി 25 ന് ചിത്രം പുറത്തിറങ്ങും.