ഒരുകാലത്തെ തമിഴകത്തിന്റെ റാണിയായിരുന്നു തൃഷ . വലിയൊരു ഇടവേളക്ക് ശേഷം ധനുഷ് ചിത്രമായ കൊടിയിലൂടെ ശക്തമായ തിരിച്ച്‌ വരവ് നടത്തിയെങ്കിലും ചിത്രത്തിന്റെ പരാജയം തൃഷയ്ക്ക് തിരിച്ചടിയായി . ഇതിനിടക്കാണ് വിക്രം ചിത്രം സാമിയുടെ രണ്ടാം ഭാഗത്തുനിന്ന് തൃഷ പിന്മാറിയത് തമിഴകത്ത് വലിയ വിവാദം സൃഷ്ടിച്ചിരുന്നു. വിക്രം–തൃഷ കൂട്ടുകെട്ടിൽ പുറത്തിറങ്ങിയ സൂപ്പർഹിറ്റ്ചിത്രം സാമിയുടെ പുതിയ ഭാഗത്തിലും തൃഷയെ തന്നെയായിരുന്നു സംവിധായകൻ നായികയായി തീരുമാനിച്ചിരുന്നത്.

ചിത്രീകരണം തുടങ്ങിയ സിനിമിയിൽ തന്റെ ഷൂട്ട് ആരംഭിക്കുന്നതിനിടെയായിരുന്നു തൃഷ പിന്മാറുന്നത്. ആശയപരമായ അഭിപ്രായ ഭിന്നതകള്‍ കൊണ്ട് ചിത്രത്തില്‍ നിന്നും പിന്മാറുന്നുവെന്നായിരുന്നു തൃഷയുടെ വിശദീകരണം.
എന്നാൽ അഡ്വാൻസ് തുകയും നൽകിയ ശേഷം പിന്മാറിയത് വഞ്ചനയാണെന്ന് ചൂണ്ടിക്കാട്ടി നിർമാതാവും സംവിധായകനും പ്രൊഡ്യൂസേർസ് കൗൺസിലില്‍ പരാതി നൽകിയിരുന്നു. തുടർന്ന് നടിക്കെതിരെ റെഡ് കാർഡ് പുറപ്പെടുവിക്കുകയും ചെയ്തു.
പ്രശ്നങ്ങൾ തീർന്നെന്നും നടി സിനിമയിൽ അഭിനയിക്കാൻ തയ്യാറാണെന്നും സംവിധായകൻ ഹരി കഴിഞ്ഞ ദിവസം മാധ്യമങ്ങളെ അറിയിച്ചിരുന്നു. വലിയൊരു തുക അഡ്വാൻസ് നൽകിയതിനാൽ പിന്മാറിയാൽ ഇതിലും വലിയ തുക നഷ്ടപരിഹാരമായി നൽകേണ്ടി വരുമെന്നും അതുകൊണ്ട് നടി അഭിനയിക്കുമെന്നും നിർമാതാവും പറഞ്ഞു.

സിനിമയുടെ രണ്ടാം ഭാഗത്തിൽ ഏറെ പ്രധാനപ്പെട്ട വേഷമാണ് തൃഷയുടേത്. എന്നാൽ തൃഷയുടെ അമ്മ വാർത്ത നിഷേധിച്ച് രംഗത്തെത്തുകയും ചെയ്തു. സാമി 2വിൽ അഭിനയിക്കുന്നില്ലെന്നും ആ സിനിമയുടെ അണിയറപ്രവർത്തകർ വന്ന് സംസാരിച്ചാൽ ആലോചിച്ച് തീരുമാനം പറയുമെന്നുമാണ് തൃഷയുടെ അമ്മ ഉമ കൃഷ്ണൻ മാധ്യമങ്ങളോട് പറഞ്ഞത്.എന്നാല്‍ തൃഷ പിന്മാറാൻ കാരണം മറ്റൊന്നാണെന്നാണ് കോളിവുഡ് വൃത്തങ്ങൾ സൂചിപ്പിക്കുന്നത്. നടി കീർത്തി സുരേഷ് ആണ് ചിത്രത്തിലെ മറ്റൊരു നായിക.

സിനിമയുടെ അണിയറപ്രവർത്തകർ തന്റെ വേഷത്തേക്കാൾ കീർത്തിക്ക് പ്രാധാന്യം നൽകുന്നത് തൃഷയെ ചൊടിപ്പിച്ചെന്നും ഇതേ തുടർന്ന് ചിത്രം ഉപേക്ഷിക്കുകയുമായിരുന്നെന്നാണ് വാർത്ത. കീർത്തിയും ഹരിയും വിക്രവും നിൽക്കുന്ന ലൊക്കേഷൻ ചിത്രങ്ങളും അണിയറപ്രവർത്തകർ പുറത്തുവിട്ടിരുന്നു.

തൃഷയുടെ ഈ പെരുമാറ്റം മോശമായി പോയെന്നാണ് ആരാധകരുടെ വിലയിരുത്തൽ. ഒരുകാലത്തെ തമിഴകത്ത് താരറാണിയായിരുന്ന തൃഷ ധനുഷ് ചിത്രം കൊടിയിലൂടെ ശക്തമായ തിരിച്ചുവരവ് നടത്തിയെങ്കിലും സിനിമ ശ്രദ്ധിക്കപ്പെട്ടില്ല. കൂടാതെ വലിയ ഓഫറുകളും തൃഷയെ തേടിയെത്തിയില്ല. അതിനിടെയാണ് സാമി 2 എന്ന ഈ വമ്പൻ സിനിമയിൽ നിന്നും നടി പിന്മാറുകയും ചെയ്തത്.