തെന്നിന്ത്യയൊട്ടാകെ ആരാധകരുള്ള തമിഴ് സൂപ്പർ താരം സൂര്യയെ കുള്ളനെന്നു അധിക്ഷേപിച്ച് സൺ മ്യൂസിക് . ചാനലിലെ ലൈവ് ഷോയ്ക്കിടെ രണ്ടു വനിതാ ആങ്കര്‍മാരാണ് താരത്തിന് ഉയരക്കുറവാണെന്ന് പരിഹസിച്ചത്. സൂര്യയുടെയും കെവി ആനന്ദിന്റെയും പുതിയ ചിത്രത്തെപ്പറ്റിയുള്ള ചര്‍ച്ചകള്‍ക്കിടയിലാണ് വിവാദപരമായ പരാമര്‍ശങ്ങള്‍ കടന്നു വന്നത്.

ചിത്രത്തില്‍ ബിഗ് ബി അമിതാഭ് ബച്ചന്‍ ഒരു പ്രധാന വേഷത്തിലെത്തുന്നതായി വാര്‍ത്തയുണ്ടെന്നും എന്നാല്‍ അമിതാഭിനൊപ്പം നില്‍ക്കണമെങ്കില്‍ സൂര്യയ്ക്ക് ഒരു സ്റ്റൂള്‍ ആവശ്യമായി വരുമെന്നും അനുഷ്‌ക നായികയായാല്‍ താരത്തിന് ഹീല്‍സ് ഉപയോഗിക്കേണ്ടി വരുമെന്നുമാണ് പരസ്പരമുള്ള സംഭാഷണത്തില്‍ ആങ്കര്‍മാര്‍ പറഞ്ഞത്.
ഈ പരിപാടിക്കെതിരെ ആരാധകരും എഴുത്തുകാരും അഭിനേതാക്കളും രംഗത്തെത്തി. നടൻ വിശാലും എഴ്ഴുത്തുകാരൻ ധനഞ്ജയൻ ഗോവിന്ദും പ്രതികരിച്ചു. ഇത്തരത്തിലൊരു പ്രശസ്ത ചാനലില്‍ നിന്നും അധിക്ഷേപകരമായ ഒരു സംഭവം വന്നത് പ്രതിക്ഷേധാര്‍ഹമാണ്. ചരിത്രം തന്നെ പരിശോധിച്ചു നോക്കു മഹാനായ നെപ്പോളിയന് പൊക്കമുണ്ടായിരുന്നോ. ഈ പ്രോഗ്രാം വീഡീയോ ചാനല്‍ പെട്ടെന്ന് തന്നെ നീക്കം ചെയ്യണം അദ്ദേഹം പറഞ്ഞു.