വേള്‍ഡ്‌ വൈഡ്‌ റിലീസുമായി തമിഴ്‌താരം സൂര്യ. തന്റെ കരിയറിലെ ഏറ്റവും വലിയ റിലീസിനാണ്‌ താരം ഒരുങ്ങുന്നത്‌. സൂര്യയുടെ പുതിയ ചിത്രമായ അന്‍ജാന്‍ 1400 തീയറ്ററുകളിലാണ് എത്തുന്നത്. ചിത്രം ഒരേ ദിവസം തമിഴ് തെലുങ്ക് ഭാഷകളിലായി പുറത്തിറങ്ങും. തിരുപ്പതി ബ്രദേഴ്‌സും യുടിവി മോഷന്‍ പിക്‌ചേഴ്‌സും സംയുക്തമായാണ് അന്‍ജാന്‍ നിര്‍മിച്ചിരിക്കുന്നത്. സിക്കന്ദര്‍ എന്ന പേരിലാണ് ചിത്രം തെലുങ്കില്‍ റിലീസ് ചെയ്യുക.

ചിത്രത്തിന്റെ പ്രീബുക്കിംഗ് ഏകദേശം പൂര്‍ത്തിയായി. ലോകത്താകമാനം ഡിജിറ്റല്‍ ഫോര്‍മാറ്റില്‍ റിലീസ് ചെയ്യുന്ന ആദ്യ തെന്നിന്ത്യന്‍ ചിത്രം കൂടിയാണ് അന്‍ജാന്‍. 6കെ റസല്യൂഷന്‍ ക്വാളിറ്റിയിലുള്ള ചിത്രം മികച്ച കാഴ്ചാനുഭവമായിരിക്കും. സാമന്ത, മനോജ് ബാജ്‌പേയ്, വിദ്യുത് ജംവാല്‍, രാജ്പാല്‍ യാദവ് തുടങ്ങിയവരാണ് ചിത്രത്തിലെ മറ്റ് പ്രമുഖ താരങ്ങള്‍.

അന്‍ജാനിലൂടെ പിന്നണി ഗാനരംഗത്തും എത്തിയിരിക്കുകയാണ് സൂര്യ. ഏക് ദോ തീന്‍ എന്ന് തുടങ്ങുന്ന ഗാനം ഇതിനകം സോഷ്യല്‍ സൈറ്റുകളില്‍ ഹിറ്റാണ്. അന്നേദിവസം മറ്റ് തമിഴ് റിലീസുകളില്ലാത്തതി നാല്‍ അന്‍ജാന് മികച്ച ഓപ്പണിംഗ് കളക്ഷനുണ്ടാകുമെന്ന പ്രതീക്ഷയിലാണ് അണിയറ പ്രവര്‍ത്തകര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha