ചിയാൻ വിക്രമും തമന്നയും അഭിനയിച്ച ചിത്രമാണ് സ്കെച്ച്. ചിത്രത്തിൽ തമന്ന ചെയ്ത കഥാപാത്രം ചെയ്യാനായി ആദ്യം പരിഗണിച്ചത് സായി പല്ലവിയെ ആയിരുന്നു. എന്നാൽ ചില കാരണങ്ങൾ പറഞ്ഞ് സായി പല്ലവി ചിത്രത്തിൽ നിന്ന് പിന്മാറുകയായിരുന്നു. എന്നാൽ ആ കഥാപാത്രം ചെയ്യാൻ സായ് പല്ലവിയെക്കാളും എന്തുകൊണ്ടും നല്ലത് തമന്നത ന്നെയാണെന്നാണ് ചിയാൻ പറയുന്നത്. സായ് പല്ലവി പിന്മാറിയതിനെ കുറിച്ചും, തമന്നയുടെ നായികാ വേഷത്തെ കുറിച്ചും ചോദിച്ചപ്പോഴാണ് വിക്രം ഇക്കാര്യം പറഞ്ഞത്. ചിത്രത്തില്‍ ഒരു ബ്രാഹ്മണ പെണ്‍കുട്ടിയായിട്ടാണ് തമന്ന അഭിനയിച്ചത്.

പ്രേമം എന്ന ഒറ്റ ചിത്രത്തിലൂടെ മലയാളികളുടെ പ്രിയങ്കരിയായി മാറിയ താരമാണ് സായ് പല്ലവി. പ്രേമത്തിലെ മലരിനെ വളരെ സ്നേഹത്തോടെയാണ് പ്രേക്ഷകർ സ്വീകരിച്ചത്. എന്നാൽ തമിഴിലേയ്ക്കും, തെലുങ്കിലേക്കും തന്റെ സാന്നിധ്യം അറിയിച്ച താരത്തിനെ പറ്റി അത്ര സുഖമുള്ള വാർത്തകളല്ല കേൾക്കുന്നത്. മുൻപ് നടൻ നാനിയുമായി ചില പ്രശനങ്ങൾ ഉയർന്നു കേട്ടിരുന്നു.അതിനു പുറമെ നടന്‍ നാഗ ശൗര്യയും സായിക്കെതിരെ . മുന്നോട്ട് വന്നിരുന്നു.