ഇന്ന് പലരും നേരിടുന്ന പ്രധാന പ്രശ്‌നങ്ങളില്‍ ഒന്നാണ് ശരീര വണ്ണം. ഇതിനായി പല വഴികളും പരീക്ഷിക്കാറുമുണ്ട്. ഇപ്പോഴിതാ നമ്മള്‍ എപ്പോഴും കുടിക്കാറുള്ള വെള്ളം തന്ന മതി ശരീര വണ്ണം കുറയ്ക്കാന്‍. ഇതിനായി വെള്ളം കുടിക്കുന്നതിനോളം ലളിതമായ മറ്റൊരു മാര്‍ഗമില്ലെന്നാണ് വിദഗ്ദര്‍ പറയുന്നത്.

വെള്ളം ധാരാളം കുടിച്ചാല്‍ കൊഴുപ്പ് എരിച്ചുകളയാനുള്ള ശരീരത്തിന്റെ കഴിവ് വര്‍ധിക്കുമെന്നാണ് പഠനങ്ങള്‍ പറയുന്നത്. ആരോഗ്യവാന്മാരായ പുരുഷന്മാരിലും സ്ത്രീകളിലും ജലപാനത്തിലൂടെ ഉപാപചയ നിരക്ക് 30 ശതമാനം വരെ വര്‍ധിക്കും. അതേസമയം ശരീരത്തില്‍ നിര്‍ജലീകരണമുണ്ടായാല്‍ ഉപാപചയ നിരക്ക് കുറയുകയും ചെയ്യും.

ഭക്ഷണത്തിന് മുമ്പായി ഒന്നോ രണ്ടോ ഗ്ലാസ് വെള്ളം കുടിച്ചാല്‍ പെട്ടൊന്ന് വയര്‍ നിറുന്നതിനാല്‍ ഭക്ഷണം കഴിക്കുന്നതിന്റെ അളവ് കുറക്കാനുമാകും. വെള്ളം ധാരാളം കുടിക്കുന്നതു മൂലം ശരീരത്തിന്റെ കൊഴുപ്പു കുറയുന്നതോടൊപ്പം തന്നെ ചര്‍മത്തിന്റെ തിളക്കം വര്‍ധിക്കുകയും യുവത്വം നിലനില്‍ക്കുകയും ചെയ്യും.

ത്വക്ക് ഉള്‍പ്പെടെയുള്ള അവയവങ്ങളുടെ സുഗമമായ പ്രവര്‍ത്തനത്തിനും ശരീരത്തിന്റെ ജലാംശം സഹായിക്കും. ത്വക്കില്‍ ആവശ്യത്തിന് ജലാംശം ഇല്ലാതിരിക്കുമ്‌ബോഴാണ് അവ ചുളിഞ്ഞും വരണ്ടുമിരിക്കുന്നത്. ജലാംശം കൂടുതലടങ്ങിയ ഭക്ഷണവും കഴിക്കുന്നതിലൂടെയും ഈ നേട്ടങ്ങളുണ്ടാക്കാം. ശീതളപാനീയങ്ങള്‍ കുടിച്ച് ദാഹമകറ്റുന്നതിന് പകരം ശുദ്ധജലം കുടിക്കുന്നതാണ് ശരീരത്തിന് ഏറ്റവും നല്ലത്.