മുടികൊഴിച്ചില്‍ തടയാന്‍ തൈര് കൊണ്ടുള്ള ഹെയര്‍ പാക്കുകള്‍..., ഈ രീതികള്‍ പരീക്ഷിച്ചു നോക്കൂ
പലരെയും അലട്ടുന്ന പ്രധാന പ്രശ്‌നമാണ് മുടികൊഴിച്ചില്‍. പ്രകൃതിദത്തമായ ചില മാര്‍ഗങ്ങളിലൂടെ മുടികൊഴിച്ചില്‍ കുറയ്ക്കാനാകും. മുടിയെ സംരക്ഷിക്കാന്‍ ഏറ്റവും മികച്ചതാണ് തൈര്. സിങ്ക്, വിറ്റാമിന്‍ ഇ, പ്രോട്ടീനുകള്‍, ലാക്റ്റിക് ആസിഡ് എന്നിവ കൊണ്ട് സമ്ബന്നമാണ് തൈര്. തൈരിലടങ്ങിയിരിക്കുന്ന ഈ ഘടകങ്ങള്‍ നിങ്ങളുടെ തലമുടിയുടെ ഒട്ടുമിക്ക പ്രശ്നങ്ങള്‍ക്കുമുള്ള പരിഹാരമാര്‍മാണ്.
തൈരിലെയും കറ്റാര്‍വാഴയിലെയും പ്രോട്ടീനുകള്‍ തലമുടിയെ മൃദുവായി കാത്തുസൂക്ഷിക്കാന്‍ സഹായിക്കും. കറ്റാര്‍വാഴയിലെ അമിനോ അസിഡുകള്‍ മുടിയുടെ വേരുകള്‍ ആരോഗ്യമുള്ളതായിരിക്കാന്‍ സഹായിക്കുകയും ചെയ്യുന്നു. രണ്ട് ടീസ്പൂണ്‍ തൈരും ഒരു ടീസ്പൂണ്‍ കറ്റാര്‍വാഴ ജെല്ലും ചേര്‍ത്ത മിശ്രിതം തലയോട്ടി മുതല്‍ മുടിയുടെ അറ്റം വരെ ഇത് പുരട്ടുക.
അര മണിക്കൂറിനുശേഷം ചെറുചൂടുവെള്ളത്തില്‍ ഇത് കഴുകിക്കളയുക. മുടിയുടെ ആരോഗ്യപൂര്‍ണമായ വളര്‍ച്ചയ്ക്ക് ഈ പാക്ക് മികച്ചൊരു പ്രതിവിധിയാണ്. തൈരും ഉലുവയും കൊണ്ടുള്ള ഹെയര്‍ മാസ്‌ക്കാണ് മറ്റൊന്ന്. തൈരിലെ ഫംഗസിനെതിരേ പ്രവര്‍ത്തിക്കുന്ന ഘടകങ്ങള്‍ ഹെയര്‍ ഫോളിക്കളുകളില്‍ അടിഞ്ഞുകൂടിയിരിക്കുന്നവ നീക്കം ചെയ്യാന്‍ സഹായിക്കും.
കുറച്ച് ഉലുവയെടുത്ത് ഒരു രാത്രി മുഴുവന്‍ വെള്ളത്തിലിട്ട് കുതിര്‍ക്കുക. ഇത് രാവിലെയെടുത്ത് മിക്സിയിലിട്ട് അരച്ചെടുക്കുക. ഇതിലേക്ക് തൈര് ചേര്‍ത്ത് തലയോട്ടിയിലും മുടിയിലും തേച്ച് പിടിപ്പിക്കുക.അര മണിക്കൂറിനുശേഷം ചെറു ചൂടുവെള്ളത്തില്‍ കഴുകിക്കളയാം. ആഴ്ചയില്‍ രണ്ടോ മൂന്നോ തവണ ഇത് ഉപയോഗിക്കാം.
https://www.facebook.com/Malayalivartha
