ചര്‍മ്മം വെട്ടിത്തിളങ്ങാന്‍ ബീറ്റ്‌റൂട്ട് ഫേസ്പാക്കുകള്‍; വീട്ടില്‍ തയ്യാറാക്കാവുന്ന പാക്കുകള്‍ പരിചയപ്പെടാം
സൗന്ദര്യ സംരക്ഷണത്തിന് ഏറെ പ്രാധാന്യം കൊടുക്കുന്നവരാണ് പലരും. സ്ത്രീകള്‍ ആയാലും പുരുഷന്മാരായാലും ഇന്ന് പല വഴികളും പരീക്ഷിച്ചു നോക്കാറുമുണ്ട്. ആരോഗ്യത്തിന് മാത്രമല്ല ചര്‍മ്മ സംരക്ഷണത്തിനും മികച്ചൊരു പ്രതിവിധിയാണ് ബീറ്റ്‌റൂട്ട്. ഫോളേറ്റ്, പൊട്ടാസ്യം, വിറ്റാമിന്‍ സി, ഫൈബര്‍, ആന്റിഓക്സിഡന്റുകള്‍ എന്നിവയാല്‍ സമ്ബുഷ്ടമാണ് ബീറ്റ്‌റൂട്ട്.
അതിനാല്‍ തന്നെ ഇതിലെ ആന്റി ബാക്ടീരിയല്‍ ഗുണങ്ങള്‍ ബാക്ടീരിയയ്‌ക്കെതിരെ പോരാടാന്‍ സഹായിക്കുന്നു. മൃദുലമായ ചര്‍മ്മം ലഭിക്കുന്നതിന് വേണ്ടി നിങ്ങള്‍ ആഗ്രഹിക്കുന്നുവെങ്കില്‍ ബീറ്റ്‌റൂട്ട് കൊണ്ടുള്ള ഈ ഫേസ് പാക്കുകള്‍ പരീക്ഷിച്ച് നോക്കാവുന്നതാണ്...
ഒരു ടീസ്പൂണ്‍ പാല്‍, 2 ടീസ്പൂണ്‍ വെളിച്ചെണ്ണ, 2 ടീസ്പൂണ്‍ ബീറ്റ്‌റൂട്ട് ജ്യൂസ് എന്നിവ യോജിപ്പിച്ചെടുക്കുക. ശേഷം ഈ മിശ്രിതം മുഖത്തും കഴുത്തിലുമായി ഇടുക. 15 മിനുട്ട് കഴിഞ്ഞ് തണുത്ത വെള്ളത്തില്‍ കഴുകി കളയുക.
രണ്ട് ടീസ്പൂണ്‍ ഓറഞ്ച് തൊലി പൊടിച്ചതും ഒരു ടീസ്പൂണ്‍ ബീറ്റ്‌റൂട്ട് ജ്യൂസും യോജിപ്പിച്ചെടുക്കുക. ശേഷം ഈ പേസ്റ്റ് മുഖത്തിടുക. ഉണങ്ങി കഴിഞ്ഞാല്‍ തണുത്ത വെള്ളത്തില്‍ കഴുകി കളയുക. ആഴ്ചയില്‍ രണ്ടോ മൂന്നോ തവണ ഈ പാക്ക് ഇടാം. വരണ്ട ചര്‍മ്മം അകറ്റാന്‍ ഈ പാക്ക് സഹായിക്കും.
https://www.facebook.com/Malayalivartha
