ആരോഗ്യത്തിന് മാത്രമല്ല, സൗന്ദര്യത്തിനും ചെറുപയര്‍ കേമന്‍ തന്നെ; മുഖത്തെ ചുളിവുകള്‍ മാറാന്‍ ഇങ്ങനെ ഉപയോഗിക്കൂ
ആരോഗ്യ സംരക്ഷണത്തിനു മാത്രമല്ല, സൗന്ദര്യ സംരക്ഷണത്തിനും ഏറെ ഉത്തമമാണ് ചെറുപയര്‍. ഇത് ചര്‍മ്മത്തിലെ മൃതകോശങ്ങളെ നീക്കം ചെയ്യുകയും ചര്‍മ്മത്തിന് തിളക്കം നല്‍കുകയും ചെയ്യുന്നു. വിറ്റാമിന്‍ എ, സി എന്നിവയാല്‍ സമ്ബന്നമായ ഇത് ചര്‍മ്മത്തിന് ആരോഗ്യകരമായ തിളക്കം നല്‍കാന്‍ സഹായിക്കുന്നു.
വരണ്ട ചര്‍മ്മം, സണ്‍ ടാന്‍, മുഖക്കുരു എന്നിവയ്ക്ക് മികച്ചൊരു പ്രതിവിധിയാണ് ചെറുപയര്‍. വിറ്റാമിന്‍ എ, സി എന്നിവ അടങ്ങിയിട്ടുള്ളതിനാല്‍ മുഖത്തിന് സ്വാഭാവികമായ തിളക്കം നല്‍കാന്‍ സഹായിക്കും.
ചെറുപയര്‍ പൊടിയ്ക്കൊപ്പം ഇതില്‍ മുട്ട വെള്ള, തേന്‍, നാരങ്ങാനീര് എന്നിവയും ചേര്‍ക്കുക. ഇവ നല്ലത് പോലെ യോജിപ്പിക്കുക. ശേഷം മുഖത്തിടുക. മുഖത്തെ ചുളിവുകള്‍ മാറാന്‍ മികച്ചൊരു പാക്കാണിത്.
നിറം വര്‍ദ്ധിപ്പിക്കാനും ചര്‍മ്മത്തിന് തിളക്കം നല്‍കാനും നാരങ്ങാനീര് ഏറെ നല്ലതാണ്. നാരങ്ങാനീരും മുഖത്തിന് ബ്ലീച്ചിംഗ് ഗുണങ്ങള്‍ നല്‍കുന്ന ഒന്നാണ്. ഇതിലെ വിറ്റാമിന്‍ സിയും സിട്രിക് ആസിഡുമെല്ലാം തന്നെ ഏറെ ഗുണങ്ങള്‍ നല്‍കുന്നു.
https://www.facebook.com/Malayalivartha
