ഇറച്ചി ഫ്രിഡ്ജില്‍ സൂക്ഷിക്കുന്നവരാണോ നിങ്ങള്‍!? എന്നാല്‍ ഈ വിവരങ്ങള്‍ അറിഞ്ഞിരിക്കൂ
ഇന്ന് ഫ്രിഡ്ജ് ഉപയോഗിക്കാത്തവരായി ആരുമുണ്ടാകില്ല. എല്ലാ വീട്ടിലും ഫ്രിഡ്ജ് ഉണ്ടാകും. ഭക്ഷണ സാധനങ്ങള്‍ സൂക്ഷിച്ചു വെയ്ക്കുന്നതും ബാക്കിവന്നാലും എടുത്ത് ഫ്രിഡ്ജില്‍ വെയ്ക്കുന്ന സ്വഭാവം നമ്മുക്ക് എല്ലാവര്‍ക്കും ഉണ്ട്.
എന്നാല്‍ ചില ഭക്ഷണങ്ങള്‍ ഫ്രിഡ്ജില്‍ സൂക്ഷിക്കുന്നത് ശ്രദ്ധിക്കണം. അതില്‍ ഒന്നാണ് ഇറച്ചി. ഇറച്ചി ഒരുപാട് ദിവസം ഒന്നും ഫ്രിഡ്ജില്‍ സൂക്ഷിക്കാന്‍ പാടില്ല. അഞ്ച് ദിവസത്തില്‍ കൂടുതല്‍ ഫ്രിഡ്ജില്‍ റെഡ് മീറ്റ് ഫ്രിഡ്ജില്‍ സൂക്ഷിച്ചാല്‍ പല തരത്തിലുളള ബാക്ടീരിയകള്‍ ഉണ്ടാകാനുളള സാധ്യതയുണ്ട്. ഇത് ഭക്ഷ്യ വിഷ ബാധയ്ക്ക് കാരണമാകും.
ഓരോ തരം ഇറച്ചി വിഭവങ്ങളും എത്ര ദിവസം ഫ്രിഡ്ജില്‍ സൂക്ഷിക്കാന്‍ സാധിക്കുമെന്ന് നോക്കാം,
ഗ്രൗണ്ട് മീറ്റ്
പൗള്‍ട്രി പോര്‍ക്ക്, ഇളം മാംസം എന്നിവയാണ് ഗ്രൗണ്ട് മീറ്റില്‍ ഉള്‍പ്പെടുന്നത്. ഇവ ഫ്രിഡ്ജില്‍ സൂക്ഷിക്കാന്‍ സാധിക്കുന്നത് ഏറിയാല്‍ രണ്ടു ദിവസമാണ്. ഫ്രോസന്‍ ചെയ്താണ് സൂക്ഷിക്കുന്നതെങ്കില്‍ നാലു മാസം വരെ കേടുകൂടാതെ സൂക്ഷിക്കാം.
റെഡ് മീറ്റ്
പോര്‍ക്ക്, റെഡ് മീറ്റ് എന്നിവ ഫ്രിഡ്ജില്‍ അഞ്ചു ദിവസം വരെ സൂക്ഷിക്കാം. നാലു മുതല്‍ പന്ത്രണ്ടു മാസം വരെ അവ ഫ്രീസ് ചെയ്തും സൂക്ഷിച്ചാല്‍ പ്രശ്‌നം ഉണ്ടാവില്ല. ഇനി പാകം ചെയ്ത ശേഷം സൂക്ഷിക്കാന്‍ ആണെങ്കില്‍ നാല് ദിവസം വരെ കേടാകില്ല.
റോ പൗള്‍ട്രി
ഇത് ഒരു ദിവസത്തില്‍ കൂടുതല്‍ ഫ്രിഡ്ജില്‍ സൂക്ഷിക്കാന്‍ പാടില്ല. അതും 40 ഡിഗ്രി ഫാരന്‍ ഹീറ്റില്‍ താഴെ മാത്രമാകണം സൂക്ഷിക്കാന്‍. എന്നാല്‍ സീറോ ഡിഗ്രിയില്‍ ഇവ ഒരു വര്‍ഷം വരെ ഫ്രീസ് ചെയ്തു സൂക്ഷിക്കാം.
ബേക്കണ്‍, സോസേജുകള്‍
സംസ്‌കരിക്കാത്ത സോസേജുകള്‍ ഒരു ദിവസത്തിനുള്ളിലും സംസ്‌കരിച്ചവ ഒരാഴ്ചയ്ക്കുള്ളിലും കഴിക്കണം. എന്നാല്‍ ഫ്രീസ് ചെയ്താണ് സൂക്ഷിക്കുന്നതെങ്കില്‍ ഇവ ഒരു മാസം വരെ കേടുകൂടാതിരിക്കും.
https://www.facebook.com/Malayalivartha
