ചെടികളില്‍ ഉല്‍പാദിപ്പിച്ച കോഴിയിറച്ചി ഗള്‍ഫില്‍ പരിചയപ്പെടുത്തിയിരിക്കുകയാണ് സിങ്കപ്പൂരിലെ ഒരു സ്ഥാപനം. കൂടാതെ സൗജന്യമായി തന്നെ ഇതിന്‍റെ രുചി അറിയാനും സൗകര്യം ഓര്‍ക്കിയിട്ടുണ്ട്. ദുബായില്‍ ഈ മാസം 16 മുതല്‍ 18 വരെ ദിവസവും നൂറു പേര്‍ക്ക് വെജിറ്റേറിയന്‍ ചിക്കന്‍ കൊണ്ട് നിര്‍മിച്ച ബര്‍ഗര്‍ സൗജന്യമായി വിതരണം ചെയ്യുമെന്നും കമ്പനി അറിയിച്ചു.

അതോടൊപ്പം തന്നെ ടിന്‍ഡില്‍ എന്നാണ് ഈ വെജിറ്റേറിയന്‍ കോഴിക്ക് പേര് നല്‍കിയിരിക്കുന്നത്. വിളിക്കുന്നത് ചിക്കന്‍, കോഴിയിറച്ചി എന്നൊക്കെയാണെങ്കിലും ഇതിന് കോഴി എന്നല്ല ഒരു പക്ഷിയുമായും ബന്ധമില്ല എന്നാണ് അധികൃതര്‍ പറയുന്നയത്.

പൂര്‍ണമായും ചെടികളില്‍ വിളയുന്ന വസ്തുക്കള്‍ ഉപയോഗിച്ചാണ് ചിക്കന്‍റെ രുചിയുള്ള ഇതിന്‍റെ നിര്‍മാണമെന്ന് നെക്സ്റ്റ് ജെന്‍ ഫുഡ് കമ്പനിയുടെ സ്ഥാപകരില്‍ ഒരാളും സി ഇ ഒയുമായ ആന്‍ഡ്രേ മെനസിസ് വ്യക്തമാക്കിയത്.

ദുബൈ ജുമൈറ ബീച്ച്‌ ഹോട്ടലില്‍ നടന്ന ചടങ്ങിലാണ് ടിന്‍ഡില്‍ എന്ന വെജിറ്റേറിയന്‍ കോഴിയിറച്ചി ആദ്യമായി ദുബായില്‍ പുറത്തിറക്കിയത്. ക്ഷണിക്കപ്പെട്ട അതിഥികള്‍ക്കും മാധ്യമ പ്രവര്‍ത്തകര്‍ക്കും ഈ വെജിറ്റേറിയന്‍ കോഴിയിറച്ചി കൊണ്ട് പാകം ചെയ്ത വിഭവങ്ങള്‍ പരീക്ഷിക്കാനും അവസരം ഒരുക്കിയിരുന്നു.

ചിക്കന്‍ വിഭവങ്ങളുടെ രൂപത്തിലും ഭാവത്തിലും രുചികളിലും നിരവധി വിഭവങ്ങളൊരുക്കാന്‍ കഴിയുമെന്നാണ് വിദഗ്ധരായ ഷെഫുമാര്‍ വ്യക്തമാക്കുന്നത്.

അതേസമയം ഈ മാസം 16 മുതല്‍ യു എ ഇയിലെ ദുബായ്, അബൂദബി, ഫുജൈറ എന്നിവിടങ്ങളിലെ എട്ട് റെസ്റ്റോറന്റുകളുടെ ഇരുപതോളം ശാഖകളില്‍ ടിന്‍ഡില്‍ ചിക്കന്‍ കൊണ്ട് നിര്‍മിച്ച വിഭവങ്ങള്‍ ലഭ്യമാകുന്നതാണ്.

ബുര്‍ജ് ഖലീഫയിലെ അറ്റ്മോസ്ഫിയനര്‍, അക്കിറ ബാക്ക് ദുബായ്, ഡി ഐ എഫ്സിയിലെ ബിബി സോഷ്യല്‍ ഡൈനിങ്ങ്, ഡി ഐ എഫ് സിയിലെയും ജുമൈറ പാര്‍ക്കിലെയും ബൈറ്റ് മീ ബര്‍ഗര്‍, ഗെറ്റ് പ്ലക്ക്ഡ് റെസ്റ്റോറന്റുകള്‍, ജുമൈറ ബീച്ച്‌ ഹോട്ടലിലെ ഫിക്ക,

ദുബായ് മറീനയിലെ സീറോ ഗ്രാവിറ്റി, ദുബായിലെയും അബൂദബിയിലെയും ലാ ബ്രിയോഷേ, ഫുജൈറ അല്‍ അഖ ബീച്ചിലെ ലേ മേറിഡിയന്‍ എന്നിവിടങ്ങളിലാണ് വിഭവങ്ങള്‍ ലഭ്യമാകുക.